Jakija elektronnyja pasłuhi na Adzinym partale samyja zapatrabavanyja
Na Adzinym partale elektronnych pasłuh dastupnyja dla zamovy bolš za 560 elektronnych servisaŭ. Jakija karystajucca najbolšaj papularnaściu, raskazali Minsk-Naviny.
Dyrektar Nacyjanalnaha centra elektronnych pasłuh Raman Hradusaŭ raspavioŭ, što na praciahu 2022 h. na Adzinym partale źjaviłasia bolš za 40 novych pasłuh, u 2023 — 277 administracyjnych pracedur, a sa studzienia 2024 h. užo raźmieščana 34 servisy ŭ śfiery sacabarony, achovy pryrody, lasnoj haspadarki, fitasanitarnaha kantrolu, achovy kulturnych kaštoŭnaściaŭ.
Siarod samych papularnych pasłuh — rehistracyja zamiežnych hramadzian, atrymańnie propusku na ŭjezd u pamiežnuju zonu abo pałasu; dazvoł na praviadzieńnie aerafotazdymki, atrymańnie infarmacyi ab pravach na nieruchomaść, ab vypłačanych padatkach, pravaparušeńniach; praviercy znachodžańnia aŭtamabila ŭ vyšuku; pieradačy mytnych dekłaracyj; najaŭnaści pravoŭ na kiravańnie aŭtamabilem; dadatkovym nakaplalnym piensijnym strachavańni.
— Siońnia nam pryjemna kanstatavać rost cikavaści i hramadzian, i biźniesu, i dziaržaŭnych arhanizacyj da vykarystańnia asabistych kabinietaŭ na partale. U 2024 hodzie štomiesiačnaja kolkaść akazvajemych pasłuh —11,5 młn, — zajaviŭ R.Hradusaŭ.
Kab atrymlivać pasłuhi anłajn, dastatkova zajści ŭ asabisty kabiniet karystalnika na Adzinym partale elektronnych pasłuh. Jon jość u kožnaha biełarusa, źviestki pra jakoha ŭniesieny ŭ rehistr nasielnictva, i aktyvujecca pry pieršym uvachodzie ŭ jaho. Siońnia na partale bolš za 220 tysiač karystalnikaŭ.
