Polskija futbolnyja fanaty ŭvarvalisia na treniroŭku i źbili biełaruskaha treniera Alaksandra Chackieviča

Fota: FK «Dynama» Kijeŭ

U sieradu na treniroŭcy ŭ Sasnoŭcy ŭvarvałasia hrupa fanataŭ. Jany źbili biełaruskaha treniera Alaksandra Chackieviča, piša sajt meczyki.pl.

U hetym siezonie «Zahłembie» vyhladaje žudasna. Kamanda zajmaje apošniaje miesca ŭ tablicy pieršaj lihi, adstajučy ad vyratavalnaha 15-ha miesca na 12 bałaŭ za dzieviać turaŭ da finišu. U paniadziełak kłub byŭ razhromleny na svaim poli HKS z Katavicaŭ ź likam 0:4.

Chackievič, jaki ŭ svoj čas treniravaŭ kijeŭskaje «Dynama» i zbornuju Biełarusi, uznačaliŭ kamandu ŭ siaredzinie studzienia (čempijanat adnaviŭsia ŭ kancy lutaha), ale lepš pry im nie stała. Z taho času «Zahłembie» zhulała dva matčy ŭničyju, a čatyry prajhrała.

Padčas treniroŭki kamandy ŭ sieradu, pa źviestkach Meczyki.pl, tam źjaviłasia hrupa fanataŭ. Chackievič atrymaŭ udar u tvar. Akramia taho, biełarus atrymaŭ niekalki ŭdaraŭ nahami.

Taksama paviedamlajecca, što trenier u chutkim časie raźvitajecca z kłubam.

@nashanivanews Palaki ŭvarvalisia na treniroŭku biełaruskaha treniera Alaksandra Chackieviča #biełaruś#biełaruskajamova#mova#biełaruśnovosti#našaniva#naviny#biełaruskityktok#biełaruskiciktok#fanaty#biełorusy♬ sad hamster meme sound - CrazyToastCat

Čytajcie taksama:

Biełaruski trenier Alaksandr Chackievič trapiŭ u niajomkuju situacyju ŭ Polščy

Na sajcie «Zahłembie» kala proźviščaŭ Chackieviča i Zaleŭskaha źmiaścili BČB-ściahi zamiest čyrvona-zialonych

Biełaruski hałkipier pierajšoŭ u kłub z Polščy

Nashaniva.com

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH

1

31

10

6

12

48