Minadukacyi nazvała daty ispytaŭ
Vypusknyja ispyty ŭ vyhladzie centralizavanaha ekzamiena dla 11-kłaśnikaŭ projduć 27 maja (pa pradmiecie na vybar) i 30 maja (pa ruskaj abo biełaruskaj movie).
U hetyja ž dni zapłanavana centralizavanaje teściravańnie. Zdać CT taksama možna 3 i 6 červienia, raspavioŭ ministr adukacyi Andrej Ivaniec u Nacyjanalnym pres-centry.
Rehistracyja na centralizavany ekzamien užo idzie, jana zavieršycca 5 krasavika. Za heta adkazvajuć ustanovy adukacyi, tamu baćkam i vučniam tut nie treba pieražyvać — usich zapišuć centralizavana.
Rehistracyja na centralizavanaje teściravańnie startuje 9 krasavika. Pieralik pradmietaŭ, jakija možna zdać na CT, apublikujuć da pačatku rehistracyi.
Reziervovyja dni dla zdačy CE i CT — 21 i 23 červienia. Dla tych, chto i ŭ reziervovyja dni nie zmoža trapić na vyprabavańnie, jašče adzin šaniec daduć 19 i 21 žniŭnia. Sioleta Minadukacyi pajšło na sustreču tym, chto parušyŭ praviły ŭ asnoŭnyja dni: im dazvolać pasprabavać svaje siły ŭ žniŭni, letaś taki šaniec byŭ tolki praz hod. Ale ŭ takim vypadku jany zmohuć pastupić tolki ŭ kaledž.
Padavać dakumienty ŭ VNU možna z 12 lipienia, prymać dakumienty skončać u pačatku žniŭnia. Dla kaledžaŭ i ŭstanoŭ prafiesijnaj adukacyi terminy buduć vyznačany paźniej.
Minadukacyi vyrašyła sioleta zachavać ličby pryjomu na ŭzroŭni minułaha hoda — kala 53 tys.čałaviek. Pry hetym biudžetnych miescaŭ u VNU stanie bolš na 3 tysiačy bolš.
Čytajcie taksama:
Vypusknikam jašče dvuch licejaŭ dazvolili pastupać u svaje VNU biez ekzamienaŭ
Vypusknikam profilnych kłasaŭ dazvolili pastupać na adpaviednyja śpiecyjalnaści biez ekzamienaŭ
Jak buduć prachodzić sumoŭi dla pastupleńnia ŭ VNU biez ekzamienaŭ
