Futbalistam zbornaj Hruzii ŭručać ordeny Honaru za vychad na Jeŭra-2024
Premjer-ministr Hruzii Iraklij Kabachidze paviedamiŭ, što kožny futbalist nacyjanalnaj kamandy, jakaja ŭpieršyniu ŭ svajoj historyi prabiłasia ŭ finalnuju častku čempijanatu Jeŭropy, atrymaje orden Honaru.
«Asabista ja jak fanat čakaŭ hetaha dnia 30 hadoŭ, z 1994 hoda. I chłopcy padaryli nam samaje vialikaje ščaście. Hetyja chłopcy — hieroi, i hierojaŭ treba šanavać. Heta samyja hanarovyja ludzi,i my razam z Šałvaj Papuašvili (kiraŭnik parłamienta) pryniali maleńkaje rašeńnie: našym chłapčukam uručać orden Honaru, kožnamu! — napisaŭ Kabachidze.
Učora zbornaja Hruzii ŭ finale stykavych matčaŭ pieramahła pa pienalci zbornuju Hrecyi 4:2 i ŭpieršyniu ŭ svajoj historyi zavajavała prava hulać na top-turniry.
Čytajcie taksama:
Hruzija vyjšła na čempijanat Jeŭropy pa futbole. I heta miehasiensacyja
Ukraina prabiłasia na Jeŭra-2024, pavaliŭšy Isłandyju za 5 chvilin da kanca matča
