Dachody Biełarusi ad ekspartu kaliju ŭ Kitaj źmienšylisia ŭdvaja

Pa papiarednich danych kitajskaha boku, u studzieni — lutym 2024 hoda sukupny abjom impartu KNR pa tavarnaj pazicyi «ŭhnajeńni minieralnyja abo chimičnyja, kalijnyja» skłaŭ $853,6 młn. U minułym hodzie było bolš, ale nie našmat — $895,3 młn.

U pačatku 2024 hoda najbolšy abjom zakupak kaliju (u hrašovym vyražeńni) Kitaj zrabiŭ z Rasii — $286,9 młn. Impart z Kanady skłaŭ $241,2 młn, a ź Biełarusi — $141,9 młn.

Takim čynam, Biełaruś ź pieršaha miesca pastaŭščykoŭ kaliju ŭ Kitaj, na jakim była ŭ pačatku minułaha hoda, pieramiaściłasia znoŭ na treciaje, na jakim była i ŭ 2022 hodzie.

Hałoŭnaje ž — što hrošaj ad hetych pastavak atrymałasia praktyčna ŭ pałovu mienš — za pieršyja dva miesiacy 2023 hoda Biełaruś pastaviła ŭ Kitaj kalijnych uhnajeńniaŭ na $281,8 młn.

Za ŭvieś 2023 hod Kitajskaja Narodnaja Respublika impartavała kalijnych uhnajeńniaŭ na $4,75 młrd. Najbolšy abjom zakupak (pa canie) prypadaŭ na Biełaruś: kala $1,46 młrd. Ahulny letašni kitajski impart kaliju z Rasii letaś skłaŭ $1,13 młrd, z Kanady — $803,1 młn, z Łaosa — $630,1 młn, ź Iardanii — $333,7 młn, ź Izraila — $313,0 młn.

Čytajcie taksama:

Indyja admoviłasia ad biełaruskaha kaliju na karyść rasijskaha

Čym pahražaje biełaruskaj ekanomicy prodaž uhnajeńniaŭ pa dempinhavych cenach

Sprečka ź Biełaruśsiu nakont tranzitu ŭhnajeńniaŭ kaštavała Litvie €320 tysiač

Nashaniva.com

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH

3

0

1

1

1

1