U Minsku adkryli spravu ab bankructvie bujnoj sietki restaranaŭ
Ekanamičny sud Minska pačaŭ spravu ab bankructvie TAA «SP Brusiel». Hetaja arhanizacyja naležyć viadomaj biełaruskaj restarannaj sietcy «Staramiesny pivavar». Kampanija vinnaja kredytoram bolš za 1 miljon rubloŭ.
otzovik.by
Z zajavaj u sud źviarnułasia Inśpiekcyja pa padatkach i zborach pa Maskoŭskim rajonie Minska. Tolki biudžetu TAA «SP Brusiel» vinna padatkaŭ i pieni bolš za 800 tys. rubloŭ.
Daŭžnik z maja 2023-ha znachodzicca ŭ pracesie likvidacyi i nie maje ni majomaści, ni abjektaŭ nieruchomaści, ni hrošaj na rachunkach, kab apłacić patrabavańni kredytoraŭ.
Kančatkovaje rašeńnie pa hetaj spravie sud prymie ŭ červieni.
Maciarynskaj kampanii daŭžnika — «Staramiesny pivavar» — naležyć niekalki restaranaŭ. Na jaje staroncy ŭ sacyjalnaj sietcy VK.com zhadvajucca takija ŭstanovy, jak Butler, «Staramiesny pivavar», Bruxelles, hastrapab Bernardin i kafe «ViejerŽa».
Čytajcie taksama:
Siłaviki zatrymali administratara restarana Umami Neobistro ŭ Minsku
Papularnaja minskaja kaviarnia zabaraniła naviednikam prychodzić z noŭtbukami
