U Bresckaj vobłaści ŭ mužčyny znajšli 300 litraŭ śpirtu
Usio kanfiskavali supracoŭniki milicyi. Mužčynu pahražaje štraf da 4 tysiač rubloŭ.
Kanistry sa śpirtam. Fota: telehram-kanał «Krepaść»
Supracoŭniki Biarozaŭskaha RAUS u svaim telehram-kanale paviedami, što vyjavili ŭ chlavie ŭ 62-hadovaha žychara rajona 300 litraŭ śpirtu.
Padčas pravierki milicyjanty kanfiskavali z haspadarčaj pabudovy na terytoryi doma niekalki dziasiatkaŭ kanistraŭ, u jakich znachodziłasia vadkaść «z rezkim, charakternym pacham śpirtu». Mužčyna rastłumačyŭ, što pryvioz ałkahol z-za miažy dla asabistych patreb, a taksama dla taho, kab pačastavać adnaviaskoŭcaŭ.
Supracoŭniki MUS uhledzieli prykmiety administracyjnaha pravaparušeńnia, jakoje praduhledžana častkaj 3 artykuła 13.21 KaAP. Pryznačanaja chimičnaja sudovaja ekśpiertyza. Kali vyjavicca, što vadkaść kanistrach heta sapraŭdy śpirt, mužčynu pahražaje štraf ad 10 da 100 bazavych vieličyń (400-4000 biełaruskich rubloŭ).
Čytajcie taksama:
Na biełaruska-łatvijskaj miažy ŭ dalnabojnika znajšli «ekstremizm» u telefonie — mužčynu aštrafavali
