Na biełaruska-łatvijskaj miažy ŭ dalnabojnika znajšli «ekstremizm» u telefonie — mužčynu aštrafavali
Staršynia suda Vierchniadźvinskaha rajona Viktar Balika 7 sakavika za raspaŭsiud «ekstremizmu» ŭ sacyjalnych sietkach aštrafavaŭ na 1200 rubloŭ kiroŭcu-dalnabojščyka Siarhieja Nikicina. Administracyjnaja sprava była razhledžana biez udziełu mužčyny.
U sudzie vyśvietliłasia, što Siarhiej, znachodziačysia na terytoryi Mižnarodnaha aŭtamabilnaha punktu propusku «Hryhoraŭščyna» ŭ sacyjalnaj sietcy «Adnakłaśniki» raźmiaściŭ infarmacyjnuju pradukcyju z sajta «Chartyja-97», jaki raniej byŭ uniesieny ŭ respublikanski śpis ekstremisckich materyjałaŭ, piša «Viasna».
Čytajcie taksama:
Aštrafavali za «ekstremizm» pravasłaŭnaha śviatara z Hrodna
Žančynu asudzili da «chatniaj chimii» i vialikaha štrafu za dopis u fejsbuku
Irynie Sapryhinaj z Mazyra prysudzili abmiežavańnie voli i vyzvalili ŭ zale suda
