Čamu terarystam dali ŭciačy da branskich lasoŭ? Voś što prydumali ŭ apraŭdańnie siłavikoŭ
Vydańnie RBK u svaim materyjale pra terakt u «Krokusie» ŭziała kamientar u nienazvanaj krynicy nakont taho, čamu terarystaŭ nie mahli zatrymać stolki hadzin, chacia jany jechali pa fiederalnaj trasie, nie mianiajučy ni mašynu (vielmi zaŭvažnuju), ni numaroŭ.
Aŭtamabil «Reno» z čornym dacham, na jakim pierasoŭvalisia padazravanyja ŭ terakcie ŭ Padmaskoŭi
«Jany zahadzia vyvučyli schiemu pieramiaščeńnia i pradumali šlachi adychodu», — kaža krynica RBK.
Ź jaje słoŭ, terarysty pakinuli budynak «Krokusa», źmiašaŭšysia z natoŭpam naviedvalnikaŭ, jakija vybiahajuć z kancertnaj zały. Ź miesca złačynstva jany źjechali na tym ža aŭtamabili, na jakim i pryjechali.
Pa słovach krynicy, jany pajechali da trasy M3 i pa joj nakiravalisia ŭ bok Branskaj vobłaści.
Surazmoŭca dadaŭ, što ŭvieś hety čas ich adsočvali śpiecsłužby — važna było zrazumieć maršrut ruchu terarystaŭ i vyjavić arhanizataraŭ teraktu.
Nahadajem, pa viersii Uładzimira Pucina, vykanaŭcaŭ teraktu čakała «akno» na ŭkrainskaj miažy. Chto adkryŭ heta «akno» z rasijskaha boku, nie paviedamlałasia.
Čytajcie taksama:
Paśla teraktu ŭ Padmaskoŭi ŭ handlovych centrach Minska pastavili aŭtamatčykaŭ
Zjaviłasia videa, źniataje samimi terarystami ŭ «Krokusie»
Zialenski nazvaŭ Pucina nikčemnaściu, kamientujučy terakt u «Krokusie»
Na budynku Nacyjanalnaj biblijateki źjaviŭsia rasijski ściah
