U rasijskaha śpiecnazaŭca, jaki adrezaŭ vucha zatrymanamu tadžyku, na formie našyŭka z kołavarotam, pryroŭnienym da svastyki
Adkul jana tam mahła ŭziacca?
Rasijski nacyjanalist Jaŭhien Raskazaŭ (Tapaz) pachvaliŭsia u svaim telehram-kanale, što mienavita jaho padpisčyk adrezaŭ vucha tadžyku, jaki padazrajecca ŭ terakcie. Jon ža napisaŭ, što nož vystaŭleny na aŭkcyjon.
Na zdymku, jaki raźmieščany ŭ kanale vidać, što ŭ rasijskaha siłavika, jaki trymaje nož, na rukavie simvał kałaŭratu (kołavarotu). Jon ujaŭlaje saboju vaśmipromnievy simvał sonca, papularny ŭ ruskim nieanacyźmie.
Rašeńniem adnaho z rajonnych sudoŭ Kazani jašče ŭ 2020-m hodzie kałaŭrat byŭ uklučany ŭ fiederalny śpis ekstremisckich materyjałaŭ.
Fota: telehram-kanał Topaz_Penetrator
«Hetaja vyjava zjaŭlajecca padobnaj da svastyki da stupieni źmiašeńnia i ŭ takoj jakaści padlahaje identyfikacyi jak znak, jaki reabilituje i hieraizuje nacyzm», — havorycca ŭ rašeńni suda.
Niahledziačy na zabaronu, nieanacysckaja simvolika praciahvaje vykarystoŭvacca rasijskim śpiecnazam. Naprykład, kałaŭrat zjaŭlajecca adnoj z emblem dyviersijna-šturmavoj raźviedvalnaj hrupy «Rusič».
Čytajcie jašče:
Źjaviłasia VIDEA, na jakim siłaviki adrazajuć vucha tadžyku, zatrymanamu za terakt
Zjaviłasia videa, źniataje samimi terarystami ŭ «Krokusie»
«Napeŭna, usie raźvitalisia z žyćciom». Siarhiej Śvietłakoŭ raskazaŭ, jak vyratavaŭsia z «Krokusa»
