Polšča nie vypuskaje ŭ Biełaruś tranzitnyja aŭtamabili z abjomam ruchavika, bolšym za 1,9 litra
Polšča pierastała vypuskać u Biełaruś tranzitnyja aŭtamabili z abjomam ruchavika, bolšym za 1,9 litra. Paviedamleńnie pra heta sa spasyłkaj na kiraŭnika polskaj mytni i fotazdymak adpaviednaj abviestki na miažy źjavilisia ŭ telehram-čacie «Hranica Polša», zaŭvažyŭ «Biełsat».
Fota ilustracyjnaje
Abmiežavańnie zakranaje aŭtamabili BMW i kancernu VAG, jaki vypuskaje marki Volkswagen, Audi, Seat, Škoda dy inšyja. Ułaśniki aŭtamabilaŭ pieraličanych marak musiać padać na mytni dakumient ad vytvorcy, jaki paćviardžaje prava na ekspart mašyny pa-za miežy Jeŭrasajuza.
U hetym dakumiencie maje być paznačana, što vytvorca viedaje, chto pradaje i chto kuplaje aŭtamabil, a ŭhoda nie vyklikaje pieraściaroh datyčna mahčymaha abychodu mižnarodnych sankcyjaŭ. Akramia taho, vytvorca musić paćvierdzić, što viedaje kančatkovaha ŭłaśnika aŭtamabila i ŭpeŭnieny, što mašyna budzie pieramiaščacca tranzitam praz terytoryju Biełarusi ci Rasii ŭ treciuju dziaržavu i padčas tranzitu nie budzie pierapradadzienaja.
Akramia taho, ułaśnik aŭtamabila musić padpisać zajavu, što viedaje pra adkaznaść za falšavańnie takoha dakumienta.
Abviestka ab propusku praź miažu aŭtamabilaŭ z abjomam ruchavikoŭ, bolšym za 1,9 litra.Fota: Hranica Polša / Telegram
U kancy abviestki pra novaje abmiežavańnie dajecca spasyłka na sankcyjnuju pastanovu Rady Jeŭrasajuza № 833/2014.
Čytajcie taksama:
«Adrazu navat nie zrazumieli, jak usio kiepska». Biełarus raskazaŭ, jak pierasiakaŭ polskuju miažu
