MUS Rasii admaŭlaje najaŭnaść rasijskaha hramadzianstva ŭ zatrymanych pa spravie terakta ŭ «Krokusie»
Zatrymanyja pa padazreńni ŭ ździajśnieńni teraktu ŭ «Krokusie» nie byli hramadzianami Rasii, usie jany źjaŭlajucca inšaziemcami, paviedamiła pradstaŭnica MUS Rasii Iryna Voŭk.
Adzin z zatrymanych, jakomu rasijskija siłaviki adrezali vucha, zafiksavaŭšy heta na kamieru
«U šerahu telehram-kanałaŭ i sacsietkach siońnia byli raspaŭsiudžanyja śćviardžeńni, što čaćviora padazravanych va ŭčynieńni teraktu 22 sakavika ŭ «Krokus Sici Chole», jakija chavalisia na aŭtamabili «Reno Łohan» i paśla zatrymanyja na terytoryi Branskaj vobłaści, źjaŭlajucca hramadzianami Rasiei. Hetyja źviestki nie adpaviadajuć rečaisnaści. Usie jany źjaŭlajucca zamiežnymi hramadzianami», — napisała milicejskaja čynoŭnica ŭ svaim telehram-kanale.
U suviazi z hetym paviedamlajecca, što mihracyjnyja padraździaleńni MUS Rasii va ŭzajemadziejańni z FSB praviarajuć padstavy i vyśviatlajuć praciahłaść znachodžańnia kožnaha z zatrymanych na terytoryi Rasii, vyznačajuć adrasy ich faktyčnaha pražyvańnia, a taksama inšyja značnyja abstaviny.
Čytajcie taksama:
Źjaviłasia VIDEA, na jakim siłaviki adrazajuć vucha tadžyku, zatrymanamu za terakt
U Dušanbe zajavili, što troje mužčyn z aryjencirovak nie datyčnyja da teraktu
Zatrymany pa spravie teraktu ŭ «Krokus Sici Chole» kaža, što zastreliŭ ludziej za hrošy
