U Kramli dali ŭkazańnie dziaržaŭnym i łajalnym uładzie ŚMI padkreślivać u terakcie «ŭkrainski śled»
Ukraina rašuča abviarhaje hetyja zakidy.
Fota: MNS Rasii
Dziaržaŭnyja i łajalnyja ŭłady rasijskija vydańni atrymali ŭkazańnie z Administracyi prezidenta RF padkreślivać u publikacyjach ab terakcie ŭ padmaskoŭnym «Krokus Sici Chole» mahčymy «ŭkrainski śled», piša «Mieduza».
Pra heta «Mieduzie» raspavioŭ supracoŭnik adnaho ź dziaržaŭnych ŚMI. Jašče adna krynica — supracoŭnik vydańnia, łajalnaha Kramlu, — paćvierdziła hetuju infarmacyju.
Infarmacyju pra mahčymy «ŭkrainski śled» u spravie ab terakcie ŭ «Krokusie» raspaŭsiudziła FSB ranicaj 23 sakavika. Viedamstva zajaviła, što paśla ździajśnieńnia złačynstva čaćviora padazravanych źbiralisia pierajści rasijska-ŭkrainskuju miažu i «mieli adpaviednyja kantakty na ŭkrainskim baku».
Ich zatrymali, jak paviedamiła FSB, u noč na 23 sakavika ŭ Branskaj vobłaści pa šlachu da miažy.
MZS Ukrainy jašče 22 sakavika kateharyčna adkidaŭ abvinavačvańni, jakija prahučali paśla teraktu ad rasijskich aficyjnych asob, u tym, što Kijeŭ nibyta datyčny da stralby i pažaru ŭ «Krokus Sici Chole». «Ličym takija abvinavačvańni spłanavanaj pravakacyjaj Kramla», — kazali ŭ Ministerstvie.
Daradca kiraŭnika ofisa prezidenta Ukrainy Michaił Padalak taksama zajaŭlaŭ, što Ukraina nie maje dačynieńnia da teraktu.
Čytajcie taksama:
Što viadoma pra biełarusa Alima Kašavarava, jaki znachodzicca ŭ vielmi ciažkim stanie paśla teraktu
U Dušanbe zajavili, što troje mužčyn z aryjencirovak nie datyčnyja da teraktu
Usie zatrymanyja pa padazreńni ŭ terakcie ŭ «Krokusie» — hramadzianie Rasii
Zatrymany pa spravie teraktu ŭ «Krokus Sici Chole» kaža, što zastreliŭ ludziej za hrošy
Kolkaść achviar terakta ŭ «Krokus Chole» praciahvaje raści
Rasijskija prapahandysty ŭžo viedajuć, chto vinavaty ŭ terakcie
