Palitźniavolenaja Šarenda-Panasiuk u efiry BT: Maja kraina samaja lepšaja
Palinu Šarenda-Panasiuk źniali ŭ prapahandysckim filmie na «Biełaruś 1». Zdymačnuju hrupu prysłali ŭ Rečycu ŭ žanočuju kałoniju dla recydyvistak. Tut i ŭtrymlivajuć palitźniavolenuju va ŭmovach, pryznanych katavańniem.
Palina Šarenda-Panasiuk
Jana ŭžo daŭno adbyła pryznačanaje joj pakarańnie za «abrazu Łukašenki» i «hvałt u adnosinach milicyjaniera», ale joj dadajuć hod za hodam za «niepadparadkavańnie administracyi kałonii».
Čarhovy termin Paliny Šarenda-Panasiuk skančajecca 21 maja 2024 hoda. Mahčyma, udzieł u prapahandysckaj prahramie i źjaŭlajecca ŭmovaj vyzvaleńnia i spynieńnia katavańniaŭ.
Analizavać słovy zakładnicy nie maje sensu.
Pazityŭny momant u isnujučych abstavinach — mahčymaść dla siamji ŭbačyć Palinu ŭpieršyniu za doŭhi čas. A jana zmahła pabačyć niekalki siekund videa ź dziećmi i mužam, jakoje joj sa svajho mabilnika pakazała žurnalistka BT.
Źvierniem uvahu tolki na adzin dyjałoh. «Vy nazyvajecie siabie biełaruskaj, patryjotkaj?», — spytałasia prapahandystka. «Tak», — adkazała Palina. «A ŭ čym zaklučajecca vaš patryjatyzm?» — U tym, što maja kraina samaja lepšaja», — z uśmieškaj stała Palina
«Kraina ŭ jakich miežach?» — pasprabavała jaje spravakavać žurnalistka.
«Dla mianie ŭ tych, u jakich jość», — adkazała Palina. «To-bok kali Brest [addać] Polščy…» — znoŭ pačała prapahandystka. Palina Šarenda-Panasiuk nie adkazała joj ničoha.
1. Palina ŭ pałonie absalutna za niama za što
2. Jana daŭno niezakonna adbyła termin, ale jaje ŭžo 4 hod trymajuć u źniavoleńni, katujuć i ździekujucca
3. U jaje dzieci.
4. A što ty budzieš rabić, "hieroj", kali ciabie nizašto pazbaviać dziaciej i buduć trymać u niavoli biez terminu, u žudasnych umovach?
5. Jana nie zdałasia i nie prysiahnułasia na viernaść łukašyzmu