Палітзняволеная Шарэнда-Панасюк у эфіры БТ: Мая краіна самая лепшая
Паліну Шарэнда-Панасюк знялі ў прапагандысцкім фільме на «Беларусь 1». Здымачную групу прыслалі ў Рэчыцу ў жаночую калонію для рэцыдывістак. Тут і ўтрымліваюць палітзняволеную ва ўмовах, прызнаных катаваннем.
Паліна Шарэнда-Панасюк
Яна ўжо даўно адбыла прызначанае ёй пакаранне за «абразу Лукашэнкі» і «гвалт у адносінах міліцыянера», але ёй дадаюць год за годам за «непадпарадкаванне адміністрацыі калоніі».
Чарговы тэрмін Паліны Шарэнда-Панасюк сканчаецца 21 мая 2024 года. Магчыма, удзел у прапагандысцкай праграме і з’яўляецца ўмовай вызвалення і спынення катаванняў.
Аналізаваць словы закладніцы не мае сэнсу.
Пазітыўны момант у існуючых абставінах — магчымасць для сям’і ўбачыць Паліну ўпершыню за доўгі час. А яна змагла пабачыць некалькі секунд відэа з дзецьмі і мужам, якое ёй са свайго мабільніка паказала журналістка БТ.
Звернем увагу толькі на адзін дыялог. «Вы называеце сябе беларускай, патрыёткай?», — спыталася прапагандыстка. «Так», — адказала Паліна. «А ў чым заключаецца ваш патрыятызм?» — У тым, што мая краіна самая лепшая», — з усмешкай стала Паліна
«Краіна ў якіх межах?» — паспрабавала яе справакаваць журналістка.
«Для мяне ў тых, у якіх ёсць», — адказала Паліна. «То-бок калі Брэст [аддаць] Польшчы…» — зноў пачала прапагандыстка. Паліна Шарэнда-Панасюк не адказала ёй нічога.
1. Паліна ў палоне абсалютна за няма за што
2. Яна даўно незаконна адбыла тэрмін, але яе ўжо 4 год трымаюць у зняволенні, катуюць і здзекуюцца
3. У яе дзеці.
4. А што ты будзеш рабіць, "герой", калі цябе нізашто пазбавяць дзяцей і будуць трымаць у няволі без тэрміну, у жудасных умовах?
5. Яна не здалася і не прысягнулася на вернасць лукашызму