Biełaruskaja kasmanaŭtka ciapier budzie lacieć da arbitalnaj stancyi zamiest troch hadzin dvoje sutak
U karparacyi «Raskosmas» paćvierdzili dakładnuju datu paŭtornaha zapusku karabla «Sajuz MS-25» ź biełaruskaj Marynaj Vasileŭskaj na borcie. Jon zapłanavany na subotu 23 sakavika.
Praŭda, lacieć da Mižnarodnaj kaśmičnaj stancyi ekipažu treba budzie daŭžej. Pieršapačatkova havorka išła pra ŭsiaho try hadziny palotu, ale ciapier vyrašyli, što karabiel z Aleham Navickim, Marynaj Vasileŭskaj i amierykankaj Trejsi Dajsan dabiarecca da MKS pa dvuchsutačnaj schiemie zbližeńnia, heta značyć palot prykmietna raściahniecca.
Startuje rakieta ŭ subotu, 23 sakavika, u 15:36 pa minskim časie, a stykoŭka piłatavanaha karabla z MKS zapłanavanaja na 25 sakavika ŭ 18:10.
Viernucca dadomu kasmanaŭty taksama paźniej — 6 krasavika zamiest 2 krasavika.
Pieršapačatkova start z kasmadroma Bajkanur byŭ zajaŭleny na 16 hadzin 21 chvilinu 19 siekund pa minskim časie 21 sakavika. Ale ŭ momant zapusku adbyłasia jaho aŭtamatyčnaja admiena.
Čytajcie taksama:
Łukašenka choča stvaryć svaju Cieraškovu
Stała viadoma, čamu biełaruska nie palacieła ŭ kosmas
Ekipaž ź biełaruskaj kasmanaŭtkaj Marynaj Vasileŭskaj nie startavaŭ z kasmadroma «Bajkanur»
