Kavaleŭski raskazaŭ, jak i dzie buduć vydavać pašpart «Novaj Biełarusi»

Valeryj Kavaleŭski. Skryn videa EuroradioLive / YouTube

Dzie budzie vyrablacca pašpart?

Pašpart «Novaj Biełarusi» budzie drukavacca ŭ Vilni (nahadajem, što ŭzory pakul nie nadrukavany i pryjom zajavak jašče nie adkryty). Vybar abumoŭleny tym, što partnioram pa druku vystupaje litoŭskaja kampanija. Jaje supracoŭniki dapamahli ŭ dyzajnie dakumienta z raźlikam na toje abstalavańnie, jakoje ŭ ich jość.

«Hieraldyčnaja rada, jakaja pracuje ź Vilni, inicyjavała praces, stvaryła supolna sa śpiecyjalizavanaj litoŭskaj arhanizacyjaj dyzajn, dapamahła nasycić dakumient elemientami biaśpieki i pryvieści jaho ŭ adpaviednaść ź mižnarodnymi standartami», — raspaviadaje Kavaleŭski.

Jon dadaje, što dyzajn dakumienta jašče da kanca nie zaćvierdžany. Mohuć być drobnyja ale nie krytyčnyja źmieny ŭ paraŭnańni z dyzajnam, jaki byŭ publična pradstaŭleny ŭ žniŭni minułaha hoda.

Dzie budzie pašpartny stoł?

Pa słovach Kavaleŭskaha, centralnaja słužba pašpartnaha stała budzie znachodzicca ŭ Vilni. Ale jaho adździaleńni buduć i ŭ inšych miescach.

«Tudy možna budzie pryjści sa svaimi zajaŭkami. Sama pracedura patrabuje chacia b adzin raz zjavicca asabista dla taho, kab padać ci atrymać dakumienty».

Architektura słužby jašče budzie vybudoŭvacca. Razhladajecca mahčymaść zboru danych u mabilnym farmacie. Dla hetaha buduć nakiroŭvać śpiecyjalistaŭ z adpaviednym abstalavańniem u niejkija krainy śvietu.

«Naprykład, budziem nakiroŭvać čałavieka, jaki budzie rabić papiaredni zapis, ludzi buduć źviartacca i paśla prychodzić. I takim čynam budziem vyrašać prablemu našaj pastajannaj prysutnaści va ŭsich krainach», — raspavioŭ palityk.

Chto ŭznačalić pašpartny stoł

Kandydatura na dyrektara pašpartnaha stała pakul nie zaćvierdžana, ale taki čałaviek jość. Kavaleŭski spadziajecca, što ciaham tydnia jon budzie zaćvierdžany na pasadzie.

«Ja znajšoŭ čałavieka, pradstaviŭ hetu kandydaturu. Ciapier prymajecca rašeńnie. Vielmi važna, kab hety čałaviek byŭ sapraŭdnym haspadarom hetaha orhana vydačy. Heta budzie publičnaja asoba, toj čałaviek, jaki budzie adkazvać na pytańni, vałodać usioj infarmacyjaj, vieści pieramovy z našymi partniorami», — raspaviadaje palityk.

Čytajcie jašče:

KDB vyrabiła pašpart «Novaj Biełarusi» dla eks-načalnika śledčaha ŭpraŭleńnia Mahilova

«My naŭmysna dadali šerah «paschałak». Fejkavy pašpart «Novaj Biełarusi» ad KDB prakamientavaŭ śpiecyjalist, jaki nad im pracuje

APK: Idzie fejkavaja rassyłka nakont pašparta novaj Biełarusi dla zboru danych

Nashaniva.com

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH

65

2

11

0

1

5