Palitviaźnia Anatola Łatušku pieraviaduć na turemny režym
Stała viadoma, što 22 sakavika ŭ Škłovie adbudziecca sud pa zamienie palitviaźniu Anatolu Łatušku režymu ŭtrymańnia na turemny. Rašeńnie budzie prymać sudździa Alaksandr Tarakanaŭ, piša «Viasna».
Anatol — stryječny brat palityka Paŭła Łatuški. U sudzie Centralnaha rajona Minska 20 vieraśnia 2022 hoda jamu prysudzili 6 hadoŭ kałonii. Mužčynu razam ź Lilijaj Ananian i Alenaj Malinoŭskaj zatrymali 31 studzienia 2022-ha nibyta za malavańnie pa trafarecie na paštovych skryniach u padjezdach hierba «Pahonia».
Paśla zatrymańnia Łatuški było viadoma, što jaho źbivali. Padčas suda, jaki prachodziŭ u adkrytym režymie, byli ahučanyja padrabiaznaści prymianieńnia fizičnaj siły da jaho ŭ Centralnym RUUS. Žonku Anatola taksama asudzili praz try tydni paśla muža. Alenie prysudzili 2,5 hady «chatniaj chimii».
Čytajcie taksama:
Syn palityka, brat kalinoŭca. Palitviaźni, jakich pasadzili ŭ znak pomsty svajakam
Palitźniavolenamu Anatolu Łatušku «nastojliva rajać» nie pisać listy na biełaruskaj movie
