U Minsku ŭzvodziać samy vysoki chmaračos. Užo jość amal 30 pavierchaŭ, a kanca kraju nie vidać
Vyšynia samaha vialikaha hmacha składzie 180 m, i heta budzie ceły kompleks budynkaŭ, jakija sfarmujuć Mižnarodny finansavy centr.
Zabudoŭščyk kompleksu «Minsk Śviet» užo bolš za hod uzvodzić Mižnarodny finansavy centr (MFC). U śniežni 2023-ha kampanija rapartavała ab dasiahnieńniach, ustanoŭlenych na samaj maštabnaj i składanaj budoŭli.
Pavierchami tady pryraśli ŭsie piać viežaŭ budučaha MFC. Bolš za ŭsio — centralnaja, u apošni miesiac 2023-ha jana vyciahnułasia na 27 pavierchaŭ, piša Tochka.by.
Bližej da siaredziny sakavika 2024 hoda situacyja z budaŭnictvam MFC u «Minsk Śviecie» takaja.
Hałoŭny budynak jašče bolš vyciahnuŭsia — užo pierasiahnuŭ 30-y ŭzrovień. Pryčym treba razumieć, što hety budynak dla biznesu, a tamu pavierchi tut apryjory vyšejšyja, čym u žyłych damach.
Pa vyniku ŭ hetaj centralnaj viežy budzie 42 ŭzroŭni, a jaje vyšynia składzie 180 m.
Chmaračosam u nas ličycca budynak vyšynioj 100 m i vyšejšy, a ŭ Jeŭropie i ZŠA — zbudavańni 150 m i bolš.
Samaja krajniaja vieža kompleksu, jakaja bližej da Brackaj vulicy, užo maje kančatkovuju formu — z manalitu adlityja ŭsie 14 uzroŭniaŭ.
Taki ž hmach-dublor, ale z boku praśpiekta Miru pakul a vośmym uzroŭni.
Dźvie siarednija viežy, što pa bakach ad centralnaj, užo sfarmiravany na ŭzroŭni 20 pavierchaŭ.
Jak uzvodziać minski chmaračos
Budujuć samy vysoki budynak finansavaha centra z dapamohaj apałubačnaj sistemy. Jana jakraz dobraja dla takoha prajekta. Dazvalaje naroščvać budynki bieśpierapynna — tolki bieton padavaj.
Ščytavaja kanstrukcyja pastajanna pieramiaščajecca damkratam uvierch pa miery zalivańnia. Ścieny rastuć vielmi chutka.
Sama ž kanstrukcyja chmaračosa robicca tak, kab mahła trochi razhojdvacca pry ŭrahannym vietry. Što ŭžo kazać pra «načyńnie», dzie na pieršym miescy — sistemy pažarnaj biaśpieki i kandycyjanavańnia.
Adroźnivajecca ŭ chmaračosach i sistema padačy vady. Pompy, jak praviła, staviacca na kožnym dziasiatym paviersie, kab padymać vadu vyšej — da samaha vysokaha ŭzroŭniu.
Što budzie ŭ MFC?
Vizualna — siońnia na terytoryi budučaha MFC zadziejničana vialikaja kolkaść budaŭnikoŭ. Raboty tut kipiać na poŭnuju, a značyć, jość vierahodnaść, što kompleks budzie zdadzieny svoječasova.
Kali vieryć pašpartu abjekta, adkryjuć hmachi ŭ śniežni 2027 hoda. Niamała čakać, ale i abjomy nie aby-jakija.
Płošča ŭsiaho kvartała, dzie raźmieščany mižnarodny finansavy centr, pieravyšaje 257 tys.m2. A płošča piaci budynkaŭ MFC —amal 98 tys. «kvadrataŭ».
Viežy centra budujuć nie tolki pad ofisy kampanij. Tut taksama zapłanavany spa-centr, basiejny dla dziaciej i darosłych.
Budzie i padziemny parkinh jak dla lehkavych mašyn, tak i dla hruzavych aŭtamabilaŭ, jakija absłuhoŭvajuć budynki Mižnarodnaha finansavaha centra.
Taksama centralnaja vieža MFC zdabudzie pryhožuju viačerniuju padśvietku.
Handlovy centr pobač
Pa susiedstvie z MFC užo zaviaršajecca budaŭnictva samaha vialikaha ŭ Biełarusi handlovaha centra Avia Mall. Na placoŭcy iduć finalnyja raboty.
Chutka zdača abjekta, śviedčyć i aktyŭnaja rekłama ŭ sietcy. Uładalniki šukajuć arandataraŭ.
Vidavočna, što z adkryćciom jak mietro, tak i handlovaha centra žyć u ŽK «Minsk Mir» stanie zručniej i viesialej.
A da 2028 hoda «padciahnucca» i viežy finansavaha centra. Mudrahielistaj formy, apranutyja ŭ sucelnaje škło, jany napeŭna stanuć miescam pryciahnieńnia nie tolki inviestycyj, ale taksama vialikaj kolkaści žycharoŭ i haściej Minska.
***
Samym vysokim budynkam Minska ličycca ŽK «Łazuryt», što na skryžavańni praśpiekta Pieramožcaŭ i vulicy Naračanskaj. Jaho vyšynia — 138,6 m razam sa špilem. Dźvie centralnyja siekcyi majuć 37 pavierchaŭ.
ŽK «Vietraź», što na vulicy Frunzienskaj, maje 34 pavierchi, vyšynia składaje 133 m z ulikam techničnych nadbudoŭ na dachu i špila. Vyšynia ŭzroŭniu dachu — 114 m.
Treciaje miesca ŭ biznes-centra «Rojał Płaza» kala stancyi mietro «Niamiha». Jon pabudavany ŭ 2014 h. Tut 33 pavierchi, a vyšynia budynka składaje 130 m sa špilem. Zatoje dach — na 116 m, tak što, kali vymiarać pa im, to «Rojał Płaza» abychodzić «Vietraź».
Čytajcie taksama:
Pakupniki kvater ad «Dany» trapili ŭ pastku — nie mohuć aformić žyllo va ŭłasnaść. Jak tak?
