«Lepš nahała pahalić. Choć vyraście». Cyrulnica padzialiłasia žudasnym videa paśla naroščvańnia vałasoŭ u Łojevie
Cyrulnica z Homiela apublikavała ŭ tyktoku videa, na jakim bačna, u jakim žudasnym stanie znachodziacca vałasy klijentki paśla modnaj praceduru. «Voś takaja hościa da mianie siońnia pryjechała z hłybinki», — padpisała rolik žančyna.
Skrynšot videa ŭ tyktoku
Bačna, što vałasy paśla naroščvańnia ŭ inšaha majstra źbilisia ŭ kaŭtuny.
Videa nabrała 80 tysiač prahladaŭ, a kamientatary byli vielmi ŭražany i pačali pytacca ŭ cyrulnicy, čamu takoje moža zdarycca i jak paźbiehnuć anałahičnych prablem. A niechta byŭ nastolki ŭražany, što vykazaŭ mierkavańnie: «Lepš nahała pahalić. Choć vyraście». Sapraŭdy, hledziačy rolik, składana pavieryć, što ŭ hetyja kaŭtuny mahčyma zaleźci rasčoskaj.
Ale ŭ nastupnych videa cyrulnica pakazała, što za try hadziny pracy ŭ jaje ŭsio ž atrymałasia pryvieści vałasy klijentki ŭ paradak, nie źviartajučysia da radykalnych mietadaŭ. Jana taksama rastłumačyła, što adbyłosia i jak nie trapić u takuju situacyju.
Vyśvietliłasia, što klijentka rabiła naroščvańnie vałasoŭ u Łojevie. Jana adchadziła ź imi bolš za 5 miesiacaŭ, i voś tak voś vałasy zbłytalisia.
— Usio było zalita kieracinam, plus kieracin byŭ źlipły. Zdymali my ŭsio try hadziny, ale źniali davoli dobra, biez straty vałasoŭ.
Cyrulnica adznačyła, što pryčyn moža być šmat, ale najbolš papularnaja — heta toje, što žančyny z naroščanymi vałasami kładucca spać ź vilhotnaj hałavoj. U hetym vypadku kaŭtun 100% harantavany.
Adna z kamientatarak padzialiłasia ŭłasnym dośviedam: jana atrymała anałahičnyja kaŭtuny paśla taho, jak panyrała 20 chvilin u mory. U vyniku dziaŭčynie pryjšłosia zrazać vałasy, tamu što dobraha majstra jana nie znajšła.
Čytajcie taksama:
Botaks: kali i ŭ jakich vypadkach jaho prymianiać?
Amierykanka adhadavała najdaŭžejšy ŭ śviecie vołas na ruce
Mužčyna amal čatyry hady adhadoŭvaŭ vałasy, kab jaho kachanaja zrabiła ź ich paryk
