«Лепш нагала пагаліць. Хоць вырасце». Цырульніца падзялілася жудасным відэа пасля нарошчвання валасоў у Лоеве
Цырульніца з Гомеля апублікавала ў тыктоку відэа, на якім бачна, у якім жудасным стане знаходзяцца валасы кліенткі пасля моднай працэдуру. «Вось такая госця да мяне сёння прыехала з глыбінкі», — падпісала ролік жанчына.
Скрыншот відэа ў тыктоку
Бачна, што валасы пасля нарошчвання ў іншага майстра збіліся ў каўтуны.
Відэа набрала 80 тысяч праглядаў, а каментатары былі вельмі ўражаны і пачалі пытацца ў цырульніцы, чаму такое можа здарыцца і як пазбегнуць аналагічных праблем. А нехта быў настолькі ўражаны, што выказаў меркаванне: «Лепш нагала пагаліць. Хоць вырасце». Сапраўды, гледзячы ролік, складана паверыць, што ў гэтыя каўтуны магчыма залезці расчоскай.
Але ў наступных відэа цырульніца паказала, што за тры гадзіны працы ў яе ўсё ж атрымалася прывесці валасы кліенткі ў парадак, не звяртаючыся да радыкальных метадаў. Яна таксама растлумачыла, што адбылося і як не трапіць у такую сітуацыю.
Высветлілася, што кліентка рабіла нарошчванне валасоў у Лоеве. Яна адхадзіла з імі больш за 5 месяцаў, і вось так вось валасы зблыталіся.
— Усё было заліта керацінам, плюс керацін быў зліплы. Здымалі мы ўсё тры гадзіны, але знялі даволі добра, без страты валасоў.
Цырульніца адзначыла, што прычын можа быць шмат, але найбольш папулярная — гэта тое, што жанчыны з нарошчанымі валасамі кладуцца спаць з вільготнай галавой. У гэтым выпадку каўтун 100% гарантаваны.
Адна з каментатарак падзялілася ўласным досведам: яна атрымала аналагічныя каўтуны пасля таго, як панырала 20 хвілін у моры. У выніку дзяўчыне прыйшлося зразаць валасы, таму што добрага майстра яна не знайшла.
Чытайце таксама:
Ботакс: калі і ў якіх выпадках яго прымяняць?
Амерыканка адгадавала найдаўжэйшы ў свеце волас на руцэ
Мужчына амаль чатыры гады адгадоўваў валасы, каб яго каханая зрабіла з іх парык
