U Ašmianach maci vaśmiarych dziaciej aštrafavali na 1000 rubloŭ za padpisku na «ekstremisckija ŚMI»
Telefon kanfiskavali.
22 lutaha ŭ sudzie Ašmianskaha rajona sudzili maci vaśmiarych niepaŭnaletnich dziaciej u dekrecie.
Za padpisku na pabliki «Sumlennyja ludzi», «Radyjo Svaboda», «Biełsat», «Kraina dla žyćcia», «Rada.vision» jaje aštrafavali na 25 bazavych vieličyń (1000 rubloŭ) z kanfiskacyjaj telefona, paviedamlaje telehram-kanał «Prava maju».
29 lutaha ŭ sudzie Navahrudskaha rajona sudzili pradaŭca-kasira kramy i baćku traich niepaŭnaletnich dziaciej. Jaho za raspaŭsiud łahatypa «Biełsat» u instahramie aštrafavali na 15 bazavych vieličyń (600 rubloŭ) z kanfiskacyjaj mabilnaha telefona.
6 sakavika ŭ sudzie Lidskaha rajona sudzili biespracoŭnaha. Za raspaŭsiud u instahramie pradukcyi «Lusterka» i «Nexta_tv» jaho aryštavali na 15 sutak z kanfiskacyjaj mabilnaha telefona.
7 sakavika ŭ sudzie Lidskaha rajona sudzili barmena TAA. Za padpiski na «ekstremisckija resursy» jaho aryštavali na siem sutak biez kanfiskacyi.
Čytajcie taksama:
Siłaviki zatrymali nastaŭnika, jaki «prymušaŭ školnika źniać vajskovuju formu»
