Homielski vajenkam Kryvanosaŭ taksama moža stać «sienataram»
Vajskovaha kamisara Homielskaj vobłaści Andreja Kryvanosava vyłučyli kandydatam u členy Savieta Respubliki ad viertykali Naraŭlanskaha rajona, paviedamiła miascovaja rajonka «Prypiackaja praŭda».
Andrej Kryvanosaŭ na pasiadžeńni naraŭlanskich čynoŭnikaŭ
Andrej Kryvanosaŭ staŭ šyroka viadomy paśla padziej 2020 hoda z-za svajoj aktyŭnaj padtrymki Łukašenki, jakaja časta vyjaŭlałasia ŭ davoli kamičnych formach. Tak, padčas Usiebiełaruskaha narodnaha schodu ŭ lutym 2021 hoda jon pacisnuŭ ruku Alaksandru Łukašenku, u vyniku čaho nibyta atrymaŭ «zarad enierhii i rašučaści», a paśla publična pieradaŭ jaho inšym vajskoŭcam. Taksama ŭ adnym z prapahandysckich efiraŭ, adkazvajučy na pytańnie surazmoŭcy, jon sam akreśliŭ siabie jak «jabaćku».
Andrej Kryvanosaŭ pieradaje «zarad enierhii i rašučaści» staršyni Naraŭlanskaha rajonnaha Savieta deputataŭ Natalli Kuźmiankovaj
Pavodle infarmacyi «Prypiackaj praŭdy», kandydaturu Kryvanosava, prapanavanuju staršynioj Naraŭlanskaha rajonnaha Savieta deputataŭ Natallaj Kuźmiankovaj, padtrymali adnahałosna. Pry hetym jaho nazvali «prykładam dobleści i słužeńnia Ajčynie».
Čytajcie taksama:
