Stvarajecca Nacyjanalny centr zakanadaŭstva i pravavoj infarmacyi
Łukašenka padpisaŭ ukaz № 96 «Ab Nacyjanalnym centry zakanadaŭstva i pravavoj infarmacyi Respubliki Biełaruś», paviedamiła jahonaja pres-słužba.
Dakumientam praduhledžana rearhanizacyja Nacyjanalnaha centra zakanadaŭstva i pravavych daśledavańniaŭ i Nacyjanalnaha centra pravavoj infarmacyi. Paśla źlićcia na ich bazie źjavicca adziny centr, padparadkavany administracyi Łukašenki.
U pres-słužbie ŭdakładnili, što heta abjadnańnie dazvolić abjadnać kadravyja, navukovyja i technałahičnyja mahčymaści dźviuch struktur, vyklučyć dublavańnie funkcyj i pavysić efiektyŭnaść pracy.
Pry hetym u Centra źjaviacca dva novyja paŭnamoctvy.
Pieršaje — raspracoŭka najbolš važnych pravavych aktaŭ z užyvańniem pakietnaha pryncypu. Naprykład, adnačasovaja padrychtoŭka prajektaŭ zakona i źviazanych ź im aktaŭ Łukašenki.
Druhoje — praviadzieńnie pa daručeńni Łukašenki abo jaho administracyi dadatkovaj ekśpiertyzy ŭsich vidaŭ pravavych aktaŭ.
Kiravać dziejnaściu centra budzie administracyja Łukašenki, stvaryć jaho płanujuć da 1 lipienia 2024 hoda.
Čytajcie taksama:
Što viadoma pra siamju novaha adkaznaha za ekanomiku ŭ administracyi Łukašenki