Supracoŭnicu «Biełarusbanka» asudzili na 3 hady «chatniaj chimii» za publikacyju pra Łukašenku
U sudzie Čyhunačnaha rajona Homiela 5 lutaha asudzili Ału Vialikuju pavodle č. 2 art. 367 (paklop na Łukašenku) Kryminalnaha kodeksa. Sudździa Hanna Sakałova pryznačyła Ale try hady abmiežavańnia voli biez nakiravańnia ŭ papraŭčuju ŭstanovu adkrytaha typu («chatniaj chimii»), daviedałasia «Viasna».
Zdymak ilustracyjny
Žančynu abvinavacili ŭ tym, što jana na staroncy ŭ fejsbuku pakinuła paviedamleńnie z fotazdymkam Łukašenki i spasyłkaj na anłajn-płatformu Change.org.
Na dumku suda, u tekście pa spasyłcy byli «iłžyvyja vydumki i abvinavačvańni Łukašenki ŭ asabliva ciažkim złačynstvie». Ała całkam pryznała vinu. Jak śćviardžajecca, jaje vyličyli padčas manitorynhu siłavikami publikacyj u fejsbuku.
Da abviaščeńnia prysuda žančyna znachodziłasia pad padpiskaj ab niavyjeździe.
Ała Vialikaja pracuje viadučym śpiecyjalistam u «Biełarusbanku».
Čytajcie taksama:
Minčanku asudzili za pieraškodu ŭ praviadzieńni pieratrusu
U Biełarusi ŭžo 185 ekstremisckich farmavańniaŭ
Rabotnika kafiedralnaha kaścioła Uładzisłava Bieładzieda prysudzili da troch hadoŭ kałonii
