U Minsku pradajuć adnapakajovuju kvateru ŭsiaho za $15 tysiač. Prytym usio sumlenna
U Partyzanskim rajonie, niedaloka ad stancyi mietro «Traktarny zavod» za 48 000 rubloŭ, ci 15 tys. umoŭnych adzinak, prapanujuć adnapakajoŭku płoščaj 30 kvadratnych mietraŭ, zaŭvažyŭ «Anłajnier».
Žyllo znachodzicca ŭ cahlanym piacipaviarchoviku na vulicy Pieradavoj, jakaja ścipła prystroiłasia pamiž zavadskimi karpusami i čyhunkaj, dzie rehularna kursujuć ciahniki.
Nabyć hetuju staličnuju kvateru možna na asablivych umovach: pa damovie pažyćciovaha ŭtrymańnia.
Padobnyja abjekty, pa słovach ryełtaraŭ, raźlatajucca na rynku nieruchomaści jak haračyja piražki.
«Haspadar adnapakajoŭki na vulicy Pieradavoj — 52-hadovy mužčyna — chvareje na ałkahalizm i najbližejšyja dva hady žyć u kvatery nie budzie, — raskazvaje ahient. — Heta značyć, paśla kupli budučy ŭładalnik «kvadrataŭ» moža svabodna ŭ joj znachodzicca. Pa damovie novy ŭłaśnik abaviazany budzie kožny miesiac pieraličvać na rachunak rentaatrymalnika 120 rubloŭ (3 bazavyja) i apłačvać «kamunałku».
U kvatery jość ramont, ustanoŭlenyja škłopakiety i mietaličnyja dźviery. Bałkon i padvalnaje pamiaškańnie taksama majecca.
Infrastruktura ŭ hetym rajonie davoli raźvitaja: u krokavaj dastupnaści znachodziacca škoła, dziciačy sadok, krama i prypynak hramadskaha transpartu.
Čytajcie taksama:
Apublikavany ŭkaz, jaki zakranie pakupnikoŭ kvater ad «Dany»
Minčuk upotaj pabudavaŭ na leciščy stylny dom i padaryŭ jaho žoncy
U histaryčnym centry Hrodna pradajuć kvateru z hołymi ścienami. Hołymi ŭ pramym sensie
