Łatvija znoŭ uviała režym uzmocnienaj achovy na miažy ź Biełaruśsiu
Kabiniet ministraŭ Łatvii abviaściŭ ab uviadzieńni ŭzmocnienaha režymu achovy łatvijska-biełaruskaj miažy. Jon budzie dziejničać z 13 sakavika pa 12 vieraśnia 2024 hoda.
Fota: worldatlas.com
Režym uzmocnienaj achovy ŭvodzicca ŭ Łudzienskim, Krasłaŭskim i Aŭhšdaŭhaŭskim krajach, u Kaŭnatskaj vołaści Rezieknienskaha kraju i Daŭhaŭpiłsie. Pryčynaj uviadzieńnia režymu stała pavieličeńnie kolkaści sprobaŭ niezakonnaha pierasiačeńnia łatvijska-biełaruskaj miažy.
Padtrymku Dziaržaŭnaj pamiežnaj achovie ŭ spravie achovy miažy buduć akazvać łatvijskaja palicyja i Nacyjanalnyja ŭzbrojenyja siły.
Pavodle paviedamleńniaŭ Dziaržaŭnaj pamiežnaj achovy, tolki ciaham 11 sakavika było spyniena 14 sprobaŭ nielehalnaha praniknieńnia ŭ Łatviju z terytoryi Biełarusi. Usiaho ž za hod takich sprobaŭ naličvajecca 304. Dvuch čałaviek łatvijskija pamiežniki prapuścili z humanitarnych mierkavańniaŭ.
Režym uzmocnienaj achovy miažy raniej u Łatvii ŭžo dziejničaŭ, ale ŭ lutym 2024 hoda byŭ źniaty ŭ suviazi z tym, što kolkaść sprobaŭ nielehalnaha pierachodu miažy skaraciłasia.
Čytajcie taksama:
Na łatvijska-biełaruskaj miažy zahinuŭ rabočy
Dva afhancy padalisia na biežanstva ŭ Jeŭropie, ale paśla im zakarcieła ŭ Biełaruś
Kaho nie puskajuć u Łatviju? Słužba dziaržbiaśpieki apisała ludziej, jakim admaŭlajuć va ŭjeździe
