«Čužyja kaštoŭnaści i pryjarytety ŭkładajucca ŭ nieakrepłyja rozumy». Vice-premjer daručyŭ Mininfarmu zmahacca z błohierami
Vice-premjer Ihar Pietryšenka vystupiŭ padčas pasiadžeńnia kalehii Mininfarma «Ab vynikach pracy haliny ŭ 2023 hodzie i asnoŭnych zadačach Ministerstva infarmacyi na 2024 hod», i jahonyja słovy prymusiać naściarožycca tych błohieraŭ, jakija ciapier zastajucca ŭ Biełarusi.
«Asobna chaču skazać pra dziejnaść błohieraŭ. U apošni čas błohiery ŭsio čaściej stanoviacca lidarami mierkavańniaŭ, asabliva dla padletkavaj i navat dziciačaj aŭdytoryi. Čaściakom čužyja kaštoŭnaści i pryjarytety ŭkładajucca błohierami ŭ nieakrepłyja rozumy. I hety fakt nie moža nie naściarožvać. Na błohieraŭ, jak i na ŭsich uładalnikaŭ internet-resursaŭ, uskładzienyja abaviazki pa vykanańni nacyjanalnaha zakanadaŭstva.
Tamu ministerstvu ŭ ramkach manitorynhu sietki internet u vypadku vyjaŭleńnia parušeńniaŭ uładalnikami internet-resursaŭ zakanadaŭstva ab ŚMI nieabchodna nieadkładna prymać adpaviednyja miery reahavańnia. I błohiery tut — nie vyklučeńnie», — padkreśliŭ Ihar Pietryšenka.
Hetaje vykazvańnie, jakoje śviedčyć pra namiery dziaržavy «narmalizavać» biełaruskich papularnych błohieraŭ, dla biełaruskich čynoŭnikaŭ roznaha ŭzroŭniu užo daloka nie pieršaje.
Čytajcie taksama:
