Uznaharodžańnie filma «20 dzion u Maryupali» vyrazali ź mižnarodnaj televiersii «Oskara»
U Disney patłumačyli heta «abmiežavańniami pa časie»
Mścisłaŭ Čarnoŭ (u centry). Fota: Photo by Mike Coppola/Getty Images
Pra toje, što ŭ mižnarodnuju televiersiju ŭručeńnia «Oskara» nie ŭklučyli ŭznaharodžańnie ŭ naminacyi «Najlepšy dakumientalny film», 11 sakavika paviedamiŭ telekanał «Hramadskaja kultura», jaki tranśluje cyrymoniju va Ukrainie, piša «Mieduza».
Redakcyja kanała vykazała abureńnie arhanizataram 96-j cyrymonii ŭručeńnia premij kampanii Disney. Kanał adznačyŭ, što letaś, kali takuju ž uznaharodu atrymlivała kamanda dakumientalnaha filma «Navalny», pramovu Julii Navalnaj z televiersii nie vyrazali.
Pradstaŭniki Disney adkazali, što asobnyja naminacyi i častki šou nie atrymałasia ŭłučyć u 90-chvilinnuju viersiju dla mižnarodnaj aŭdytoryi z-za časavych abmiežavańniaŭ.
Pry hetym u kampanii adznačyli, što padali «Suśpilnie Kultura» licenziju na viaščańnie va Ukrainie jak poŭnaj viersii cyrymonii, tak i skaročanaj.
***
«20 dzion u Maryupali» — dakumientalnaja chronika žyćcia Maryupala padčas pieršych dzion poŭnamaštabnaha ŭvarvańnia Rasii va Ukrainu. Kamanda reparcioraŭ Associated Press, u składzie jakoj byli režysior Mścisłaŭ Čarnoŭ, fatohraf Jaŭhien Małaletka i pradziusar Vasilisa Ściepanienka, na praciahu 20 dzion zdymali abłožany rasijskimi vojskami horad.
Čytajcie taksama:
Dakumientalny film «20 dzion u Maryupali» prynios pieršy «Oskar» u historyi Ukrainy
Pieramožca «Oskara» za film pra Maryupal — toj samy apieratar, jaki źniaŭ zabojstva Tarajkoŭskaha
«Apienhiejmier» — najlepšy film, Kilijan Miorfi — najlepšy akcior, Ema Stoŭn — najlepšaja aktrysa
Adzin z samych jarkich momantaŭ «Oskara»
Falšyŭka ruskaha avanhardu trapiła ŭ oskaranosny «Apienhiejmier». U historyi jość i biełaruski śled
