Pieramožca «Oskara» za film pra Maryupal — toj samy apieratar, jaki źniaŭ zabojstva Tarajkoŭskaha
Mścisłaŭ Čarnoŭ, režysior ukrainskaj karciny «20 dzion u Maryupali», jakaja ŭčora atrymała «Oskara» za najlepšy dakumientalny film, u žniŭni 2020 hoda pracavaŭ na biełaruskich pratestach jak žurnalist-videapieratar Associated Press.
Mścisłaŭ Čarnoŭ. Fota: AP Photo / Chris Pizzello
Mienavita jon źniaŭ momant rasstrełu siłavikami Alaksandra Tarajkoŭskaha 10 žniŭnia 2020 hoda. U MUS śćviardžali, što Alaksandr zahinuŭ ad vybuchovaha prystasavańnia, jakoje jon nibyta chacieŭ kinuć u siłavikoŭ.
15 žniŭnia ahienctva Associated Press apublikavała videa, na jakim Mścisłaŭ Čarnoŭ źniaŭ momant hibieli Alaksandra Tarajkoŭskaha. Heta stała biassprečnym dokazam taho, što ŭ rukach u Tarajkoŭskaha ničoha nie było. Siłaviki va ŭpor zastrelili biazzbrojnaha čałavieka.
Momant zabojstva Alaksandra Tarajkoŭskaha. Fota: Mścisłaŭ Čarnoŭ / AR
Tarajkoŭski staŭ pieršym pratestoŭcam, zahinułym ad ruk siłavikoŭ, čyja śmierć była aficyjna paćvierdžana.
«Serca schapiła raptoŭna». Pamior baćka Alaksandra Tarajkoŭskaha
Druhaja hadavina śmierci Tarajkoŭskaha, a pomnika na mahile niama — u čym reč?
