U Rasii znoŭ zahareŭsia biełaruski aŭtobus
Aŭtobus MAZ znoŭ zahareŭsia ŭ Rasii, hetym razam u stalicy Tatarstana Kazani. Incydent adbyŭsia ŭviečary 10 sakavika, paviedamlajuć miascovyja telehram-kanały.
Kiroŭca spyniŭsia i vysadziŭ ludziej, a zatym patušyŭ koły, jakija zadymilisia.
«Učora ŭviečary zahareŭsia 46-y aŭtobus. Pach harełaha adčuvaŭsia litaralna va ŭsim transparcie. Dychać było prosta niemahčyma. Ale ŭsio ž samaje hałoŭnaje, što ŭzharańnie zaŭvažyli adrazu, apieratyŭna vysadzili ludziej i pačali tušyć», — paviedamiŭ śviedka padziei.
Miarkujučy pa videa, zahareŭsia aŭtobus MAZ 203. Bujnuju partyju takich aŭtobusaŭ haradskija ŭłady Kazani zakupili ŭ 2018 hodzie. Uvohule ž MAZaŭ u stalicy Tatarstana sotni.
Čytajcie taksama:
Vy nie pavierycie, ale ŭ Rasii zhareŭ čarhovy biełaruski aŭtobus
