Pjany minčuk skraŭ motabłok, ale daloka źjechać nie zmoh. Što pryznačyŭ sud?
Sud razhledzieŭ spravu 38-hadovaha kamunalnika ź Minska, jakoha abvinavačvali ŭ niepravamiernym zavałodańni transpartnym srodkam biez mety kradziažu i pajezdcy na im. Što viadoma pra zdareńnie?
Jak paviedamlajuć «Minsk-Naviny», niećviarozy abvinavačany prachodziŭ mima adnaho z žyłych damoŭ na vulicy Taškienckaj. Jon ubačyŭ motabłok z pryčepam, jaki naležyć znajomamu, i vyrašyŭ pajechać na im dadomu.
Adnak da punkta pryznačeńnia jon nie dabraŭsia — jaho zatrymali supracoŭniki milicyi. Na minčuka zaviali kryminalnuju spravu. Jon pryznaŭ vinu i raskajaŭsia ŭ ździejśnienym.
Jak raskazali ŭ prakuratury, rabočy adnoj sa staličnych kamunalnych arhanizacyj raniej užo mieŭ prablemy z zakonam. Sud pryznaŭ jaho vinavatym i pryznačyŭ pakarańnie ŭ vyhladzie papraŭčych rabot terminam na 1 hod z utrymańniem u dachod dziaržavy 25 % ź jaho zarobku, ale nie mienš za 1 bazavuju vieličyniu štomiesiac.
Čytajcie taksama:
Vahonavažataja ŭ Minsku prysabiečyła hrošy pasažyrki: zakryŭšy adziežaj videakamieru
Minčuk, schitravaŭšy, skraŭ u kramie 90 rubloŭ i atrymaŭ kryminałku
