Hałoŭnakamandujučy VMF Rasii adpraŭleny ŭ adstaŭku
Krynicy rasijskich vydańniaŭ «Iźviestija» i «Fantanka» paviedamili pra adstaŭku Mikałaja Jaŭmienava z pasady hałoŭnakamandujučaha vajskova-marskoha fłota Rasii.
Jaŭmienaŭ kiravaŭ rasijskim fłotam z maja 2019 hoda. Jaho, pa infarmacyi vydańnia, zamienić admirał Alaksandr Maisiejeŭ, jaki kamandavaŭ Paŭnočnym fłotam.
Pra kadravaje rašeńnie, jak paviedamlajecca, užo daviali asabovamu składu. Ale Jaŭmienaŭ pakul zastajecca paznačany hałoŭnakamandujučym na sajcie Minabarony Rasii.
Adstaŭka Jaŭmienava adbyłasia na fonie pierachopu inicyjatyvy Ukrainaj u Čornym mory — nočču 5 sakavika HUR atakavaŭ patrulny karabiel «Siarhiej Kotaŭ». Ciapier kolkaść karabloŭ RF u partach anieksavanaha Kryma źviedzienaja da minimumu — zastalisia tolki tyja, jakim nie znajšłosia miescy ŭ punktach bazavańnia Navarasijska, Sočy i Tuapse, ale ŭ mora jany nie vychodziać.
Čytajcie taksama:
«Mahura» — ukrainskaja zbroja, jakaja niščyć rasijski fłot
HUR Ukrainy pakazała videa ataki na karviet «Siarhiej Kotaŭ»
