Premjer Hrecyi prakamientavaŭ rasijski ŭdar pa Adesie, kali jon tam znachodziŭsia ź Zialenskim
Premjer-ministr Hrecyi Kiryjakas Micatakis padčas svajho vystupu na kanfierencyi Jeŭrapiejskaj narodnaj partyi nakiravaŭ paviedamleńnie Kramlu paśla taho, jak staŭ śviedkam rasijskaha rakietnaha ŭdaru pa Adesie.
Kiryjakas Micatakis. Fota: AP Photo/Rafiq Maqbool
«Vy nas nie pałochajcie, my praciahniem padtrymlivać Ukrainu i jaje vydatnych hramadzian stolki, kolki spatrebicca. I, viadoma, my zastaniemsia całkam adzinymi ŭ hetym rašeńni», — skazaŭ Micatakis.
Jon padkreśliŭ, što ES pasyłaje vyrazny sihnał ab tym, što nijakaje parušeńnie mižnarodnaha prava, terytaryjalnaj cełasnaści abo źmianieńnie miežaŭ siłaj nie budzie pryniata Jeŭropaj.
Pazaŭčora Kiryjakas Micatakis znachodziŭsia ŭ Adesie z Uładzimiram Zialenskim, kali pa horadzie byŭ naniesieny rasijski ŭdar. Rakieta ŭpała za 150 mietraŭ ad miesca, dzie byli Zialenski i Micatakis.
Čytajcie taksama:
Rasija ŭdaryła pa Adesie, kali tam byli Zialenski i premjer Hrecyi
Hrecyja stała pieršaj pravasłaŭnaj krainaj, jakaja ŭzakoniła adnapołyja šluby
Stała viadoma, u jakich jeŭrapiejskich haradach najbolš niebiaśpiečna znachodzicca
