Прэм'ер Грэцыі пракаментаваў расійскі ўдар па Адэсе, калі ён там знаходзіўся з Зяленскім
Прэм'ер-міністр Грэцыі Кірыякас Міцатакіс падчас свайго выступу на канферэнцыі Еўрапейскай народнай партыі накіраваў паведамленне Крамлю пасля таго, як стаў сведкам расійскага ракетнага ўдару па Адэсе.
Кірыякас Міцатакіс. Фота: AP Photo/Rafiq Maqbool
«Вы нас не палохайце, мы працягнем падтрымліваць Украіну і яе выдатных грамадзян столькі, колькі спатрэбіцца. І, вядома, мы застанемся цалкам адзінымі ў гэтым рашэнні», — сказаў Міцатакіс.
Ён падкрэсліў, што ЕС пасылае выразны сігнал аб тым, што ніякае парушэнне міжнароднага права, тэрытарыяльнай цэласнасці або змяненне межаў сілай не будзе прынята Еўропай.
Пазаўчора Кірыякас Міцатакіс знаходзіўся ў Адэсе з Уладзімірам Зяленскім, калі па горадзе быў нанесены расійскі ўдар. Ракета ўпала за 150 метраў ад месца, дзе былі Зяленскі і Міцатакіс.
Чытайце таксама:
Расія ўдарыла па Адэсе, калі там былі Зяленскі і прэм'ер Грэцыі
Грэцыя стала першай праваслаўнай краінай, якая ўзаконіла аднаполыя шлюбы
Стала вядома, у якіх еўрапейскіх гарадах найбольш небяспечна знаходзіцца
