Minułaja zima akazałasia adnoj z samych ciopłych za apošnija 140 hadoŭ
U Biełhidramiecie paviedamili, što minułaja zima akazałasia adnoj z samych ciopłych u Biełarusi z 1881 hoda. U ranžyravanym šerahu nazirańniaŭ zima siezona 2023/2024 apynułasia na šostym miescy pa ciepłyni.
Siaredniaja tempieratura minułaj zimy skłała ŭsiaho 1,4 hradusa nižej nula, što na 2 hradusy vyšej za klimatyčnuju normu.
«Stanoŭčaja anamalija siezonnaj tempieratury pavietra znachodziłasia ŭ asnoŭnym u miežach 1,5 — 2,5 hradusaŭ i adznačałasia pa ŭsioj krainie», — źviartajuć uvahu klimatołahi.
Siaredniaja tempieratura pavietra ŭ śniežni składała -0,7 hradusa, u studzieni — 5,1 hradusa, a za luty ŭžo +1,7 hradusa. Darečy, luty 2024-ha akazaŭsia druhim takim ciopłym z 1945 hoda.
Akramia taho, u kancy zimy paŭsiudna fiksavałasia zališniaja vilhotnaść.
Samy vialiki maroz za zimu zafiksavali na stancyi Jeziaryšča 8 studzienia, kali pachaładała da -28,7 hradusaŭ. A samym ciopłym dniom staŭ 28 lutaha, u Breście ŭ hety dzień paciapleła da +16,1 hradusa.
Čytajcie taksama:
U Biełaruś viarnulisia špaki. Viasna idzie
Sinoptyki raskazali pra nadvorje pierad 8 Sakavika. Mahło być značna horaj
U Biełarusi pračnulisia suśliki. Ciapier užo dakładna zimy nie budzie
