U Oršy dvuch čynoŭnikaŭ zvolnili paśla trahiedyi ź dziećmi
Hienieralnaja prakuratura abiacała znajści vinavatych u tym, što dziaciej nie zabrali ź siamji raniej.
Dom, u jakim adbyłasia trahiedyja. Fota: vkurier.by
Sa svaich pasadaŭ źniatyja doŭhažychary Aršanskaha vykankama: Andrej Zahurski — načalnik adździeła adukacyi, jaki pravioŭ na hetaj pasadzie amal 15 hadoŭ, i Viktar Kałačoŭ, jaki doŭhi čas pracavaŭ kiraŭnikom spraŭ vykankama, a apošnim časam byŭ namieśnikam staršyni vykankama, paviedamlaje Orsha.eu.
Abodva stracili svaje pasady z-za trahiedyi, kali šmatdzietnaja maci zabiła svaich čaćviarych dziaciej.
Hienieralnaja prakuratura abiacała znajści vinavatych u tym, što dziaciej nie zabrali ź siamji raniej.
Pakul abodva čynoŭniki prysutničajuć na sajcie vykankama, chacia, pa infarmacyi Orsha.eu, Kałačoŭ užo płanuje iści pracavać u Aršanski miechanika-ekanamičny kaledž.
Čytajcie taksama:
Maci čatyroch dziaciej, zabitych u Oršy, pamierła ŭ balnicy
Aršancy padzialilisia padrabiaznaściami pra siamju, u jakoj maci zabiła čatyroch dziaciej