Biełarus u Litvie lacieŭ z chutkaściu da 200 km/h, ciapier u jaho prablemy
Darožnaja palicyja Vilenskaj akruhi spyniła na trasie hramadzianina Biełarusi, jaki hruba parušyŭ praviły darožnaha ruchu, stvarajučy niebiaśpieku dla inšych jaho ŭdzielnikaŭ, piša Delfi.lt.
Zdymak ilustracyjny
4 sakavika ŭ 19.30 hadzin u Salečnickim rajonie na darozie Vilnia-Lida litoŭskaja palicyja zaŭvažyła pazadarožnik ź biełaruskimi numarami, jaki vielmi niebiaśpiečna manieŭravaŭ. Mašyna imčałasia ŭ bok Vilni na chutkaści kala 200 km/h, abhaniała inšyja transpartnyja srodki nie zvažajučy na sucelnuju liniju, dla inšych udzielnikaŭ ruchu ŭ hetym była jaŭnaja niebiaśpieka.
Kiroŭca parušaŭ PDR navat niahledziačy na toje, što na hetaj darozie stajać pasty kantrolu chutkaści, jakija vymiarajuć siaredniuju chutkaść na peŭnym adrezku.
Urešcie biełarusa spynili palicejskija, jakija jechali na aŭtamabili biez apaznavalnych znakaŭ. Za niebiaśpiečnyja pavodziny i parušeńnie PDR kiroŭcu pahražaje štraf ad 170 da 230 jeŭra i pazbaŭleńnie pravoŭ na 3-6 miesiacaŭ.
Čytajcie taksama:
U Polščy kiroŭcy prykryvajucca biełarusami, kab nie płacić štrafy za pieravyšeńnie chutkaści
Pahladzicie, na jaki ryzykoŭny abhon pajšoŭ 87-hadovy kiroŭca pad Zasłaŭjem VIDEA
