Kusturyca abjadnaje siužety «Złačynstva i pakarańnia» i «Idyjota» ŭ adnym filmie
Film atrymaje nazvu «Złačynstva biez pakarańnia».
Fota: Matteo Chinellato / NurPhoto via Getty Images
Režysior Emir Kusturyca abjadnaje siužety ramanaŭ «Złačynstva i pakarańnie» i «Idyjot» Fiodara Dastajeŭskaha ŭ adnoj ekranizacyi. Nastupny film atrymaje nazvu «Złačynstva biez pakarańnia» i budzie źniaty ŭ Sankt-Pieciarburhu i Sibiry, piša RBK.
Kusturyca adznačyŭ, što karcina budzie «kambinacyjaj» dvuch litaraturnych tvoraŭ i moža atrymacca «sacyjalna relevantnym filmam».
U budučyni režysior taksama płanuje prystupić da ekranizacyi ramana Jaŭhiena Vadałazkina «Łaŭr» i źniać film pa tvory Mikałaja Hohala.
Adnak u apošnim vypadku jon pakul jašče nie vyrašyŭ, jakuju kankretna pracu piśmieńnika budzie ekranizavać. «Ci buduć heta «Miortvyja dušy» abo «Apovieść pra toje, jak pasvaryŭsia Ivan Ivanavič ź Ivanam Nikifaravičam», nie viedaju», — skazaŭ Kusturyca.
Režysior taksama raspavioŭ, što ruskaja kultura akazała na jaho vialiki ŭpłyŭ, i nazvaŭ Maskvu najlepšym horadam u śviecie.
Emir Kusturyca — juhasłaŭski i sierbski kinarežysior i akcior, adznačany ŭznaharodami najbujniejšych kinafiestyvalaŭ Jeŭropy, uklučajučy dźvie «Załatyja palmavyja haliny» Kanskaha kinafiestyvalu. Kavaler Ordena Hanarovaha lehijona, zamiežny člen Akademii navuk i mastactvaŭ Respubliki Sierbskaj.
Siarod jaho samych viadomych kinaprac — «Čas cyhan», «Čornaja kotka, bieły kot», «Žyćcio jak cud», «Zapaviet», «Pa Mlečnym šlachu».
Čytajcie taksama:
«Dziuna: častka druhaja» — błakbastar, idealny da skryhatu ŭ zubach
10 novych sieryjałaŭ, jakija vyjduć viasnoj
«Apienhiejmier» i «Niebaraki» stali tryumfatarami, a «Barbi» zastałasia ni z čym
