Chto toj biełarus, jakoha pieršym zatrymali za «admaŭleńnie hienacydu biełaruskaha narodu»
Andreju Savickamu pahražaje da piaci hadoŭ turmy.
Andrej Savicki. Fota ź jahonaj staronki «Ukantakcie»
Pieršuju spravu za admaŭleńnie hienacydu biełaruskaha narodu zaviali na Andreja Savickaha. My adšukali jaho pa videa, jakoje apublikavaŭ Śledčy kamitet. Toje samaje paćviardžajuć i kalehi z «Miedyjazony».
Mužčynie 54 hady, jon rodam sa Ždanovičaŭ.
Andrej vielmi aktyŭny ŭ «Adnakłaśnikach», u jahonaj staronki šeść tysiač siabroŭ i bolš za try tysiačy padpisantaŭ, a jahonaja hrupa «Razam my — Biełaruś» naličvaje kala troch z pałovaj tysiač padpisantaŭ. Taksama na staroncy mužčyny bolš za 100 tysiač zahružanych fota i zroblenych natatak.
Jon šmat fatahrafuje sam.
Skrynšot sa staronki ŭ Adnakłaśnikach
Kantent hrupy Andreja — heta prosta jahonyja dumki z roznaj nahody. Što mienavita stała pryčynaj dla pieraśledu, nieviadoma.
Mužčynu abvinavačvajuć pa artykułach 130-2 («admaŭleńnie hienacydu biełaruskaha narodu»), 368 («abraza Łukašenki») i 342 («udzieł abo arhanizacyja dziejańniaŭ, jakija parušajuć hramadski paradak»). Jamu pahražaje da piaci hadoŭ turmy.
«Naša Niva» — bastyjon biełaruščyny
PADTRYMAĆČytajcie taksama:
Raskazvajem, jak daviedacca, dzie i kamu vy stavili łajki ŭ sacsietkach, i pierastrachavacca
Jak nadziejna pačyścić akaŭnt u TikTok — padrabiazny hajd
Tłumačym, jakim čynam siłaviki znachodziać karystalnikaŭ Telegram i jak hetaha paźbiehnuć