Druhi hod zapar na «Pieśni hoda Biełarusi» pieramahła niaviestka Łukašenki
2 sakavika ŭ Pałacy sportu prajšoŭ kancert «Pieśnia hoda Biełarusi», na jakim uručali muzyčnyja premii. U naminacyi «Najlepšy aŭtar słoŭ» druhi hod zapar pieramahła Hanna Siałuk.
Hanna Siałuk — tvorčy psieŭdanim žonki Dźmitryja Łukašenki, siaredniaha syna Alaksandra Łukašenki. Kali raniej pra jaje paetyčnyja talenty viedali tolki ŭ vuzkich kołach, to ŭ apošnija hady jana robicca ŭsio bolš publičnaj asobaj i ŭžo, badaj, ćviorda i niepachisna zaniała pazicyju hałoŭnaj paetki-piesieńnicy łukašenkaŭskaj Biełarusi.
Miarkujučy pa rejestry intelektualnaj ułasnaści, za try niapoŭnyja hady niaviestka Łukašenki stvaryła 106 piesień, siarod ich «Ach, Alaksandr», «Bulba-dens» i himn Hienieralnaj prakuratury.
Apošnim časam jaje tvorčaść stała atrymlivać i aficyjnaje pryznańnie z boku dziaržavy. U kancy minułaha hoda śviokar Siałuk uznaharodziŭ jaje śpiecyjalnaj premijaj «za vialiki asabisty ŭkład u raźvićcio sučasnaha muzyčnaha mastactva, realizacyju sacyjalna značnych kulturnych inicyjatyŭ».
Čytajcie taksama:
Niaviestka Łukašenki pryśviaciła pieśniu Hodu jakaści
Łukašenka vypisaŭ premiju ŭłasnaj niaviestcy
Praŭładny śpiavak pajšoŭ u armiju. Paradavałasia navat niaviestka Łukašenki
