Łukašenka vypisaŭ premiju ŭłasnaj niaviestcy

Hanna Siałuk. Fota: Skrynšot ANT

Łaŭreatami piaci premij «Za duchoŭnaje adradžeńnie» ŭ hetym hodzie stali:

• ihumieńnia Śviata-Pakroŭskaha žanočaha manastyra Anfisa (Antanina Lubčak);
• kalektyŭ Połackaha kadeckaha vučylišča;
• Homielski haradski centr inkluziŭnaj kultury;
• Respublikanski navukova-praktyčny centr «Maci i dzicia»;
• Mahiloŭski abłasny mietadyčny centr narodnaj tvorčaści i kulturna-aśvietnaj raboty.

Apošni ŭhanaravany za praviadzieńnie śviata «Aleksandryja źbiraje siabroŭ» na małoj radzimie Łukašenki.

Taksama prysudzili i 10 śpiecyjalnych premij Łukašenki dziejačam kultury i mastactva. Tut siarod najbolš admietnych łaŭreataŭ:

• «paetka-piesieńnica» Hanna Siałuk (Hanna Siarhiejeŭna Łukašenka) — «za vialiki asabisty ŭkład u raźvićcio sučasnaha muzyčnaha mastactva, realizacyju sacyjalna značnych kulturnych inicyjatyŭ». Hetaja žančyna — niaviestka Łukašenki, žonka jahonaha siaredniaha syna Dźmitryja;
  
  
• namieśnica načalnika adździeła kulturna-aśvietnickaj raboty, mastactvaŭ i navučalnych ustanoŭ Upraŭleńnia kultury Hrodzienskaha abłvykankama Volha Bahdanovič, staršynia Śvisłackaha rajvykankama Alaksandr Viarsocki i namieśnica staršyni praŭleńnia Hrodzienskaha abłasnoha spažyvieckaha tavarystva Alena Čykava — za arhanizacyju karavaj-festu «Baćkava bułka» ŭ Śvisłačy;
  
  
• Hienieralnaja prakuratura, Biełaruskaje telehrafnaje ahienctva i Nacyjanalnaja dziaržaŭnaja teleradyjokampanija — za realizacyju prajektaŭ «Apošnija śviedki», «Hienacyd. Biez prava na žyćcio».

Siarod inšych łaŭreataŭ:

• narodny duchavy arkiestr «Viciny» Staŭbcoŭskaj dziciačaj škoły mastactvaŭ;
• teatr estradnaj pieśni «Siabrynka» Pałaca kultury MAZ;
• režysiorka Ivana Žyhon i kalektyŭ Nacyjanalnaha akademičnaha dramatyčnaha teatra imia Maksima Horkaha;
• majstar narodnych muzyčnych instrumientaŭ Rusłan Makarevič;
• zahadčyca trupy opiery Vialikaha teatra Biełarusi Anastasija Maskvina;
• mietadystka Hrodzienskaha abłasnoha mietadyčnaha centra narodnaj tvorčaści Alena Šuniejka;
• 1-ja i 2-ja roty i arkiestr hanarovaj varty Minskaj vajskovaj kamiendatury.

Čytajcie taksama:

Darahija žančyny! Što nosiać niaviestki Łukašenki i kolki kaštuje ich harderob 

Darja Šmanaj u viasielnaj sukiency źniałasia ŭ klipie praŭładnaha vykanaŭcy. Aŭtarka pieśni — niaviestka Łukašenki

«Nie kryŭdzicie jaho prosta biez pryčyny». Niaviestka Łukašenki pryśviaciła jamu novuju pieśniu

Nashaniva.com

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH

1

19

9

2

1

15