Rabotnik Mazyrskaha NPZ zabiŭ siabie praz prablemy na pracy
U Mazyry skončyŭ žyćcio samahubstvam rabotnik transpartnaha cecha Mazyrskaha naftapierapracoŭčaha zavoda. Pryčynaj stała kryminalnaja sprava pa fakcie kradziažu dyzielnaha paliva. Incydent adbyŭsia ŭ druhoj pałovie lutaha 2024 hoda, paviedamlaje «Fłahštok», spasyłajučysia na śviedčańni dźviuch nie źviazanych pamiž saboj krynic.
Mazyrski NPZ. Zdymak ilustracyjny
Pavodle najaŭnaj infarmacyi, padstavaj dla samahubstva pasłužyła pravierka Adździeła baraćby z ekanamičnymi złačynstvami, jakaja vyjaviła kradziažy paliva ŭ cechu №14 (transpartnym). Pad śledstvam pa joj znachodziacca bolš za dziasiatak supracoŭnikaŭ.
Adzin z kiroŭcaŭ, vierahodna, nie vytrymaŭ cisku, jaki na jaho akazvaŭsia, i pierarezaŭ sabie vieny. Ad atrymanych paškodžańniaŭ mužčyna pamior u siabie doma.
Na hety momant padrabiaznaj infarmacyi pra asobu pamierłaha vyjavić nie ŭdałosia.
Čytajcie taksama:
