Znajści
Ałharytmičny łacinski varyjant
29.02.2024 / 23:095RusŁacBieł

Z 1 sakavika siłaviki mohuć błakavać hrašovyja pieravody i zajmiejuć pastajanny dostup da bankaŭskaj infarmacyi biełarusaŭ

Siłaviki z roznych viedamstvaŭ atrymajuć kruhłasutačny dostup da płaciažoŭ biełarusaŭ, a razam z tym mahčymaść błakavać apieracyju terminam da 10 dzion. Ułady zajaŭlajuć, što padobnyja zachady dapamohuć pieramahčy machlaroŭ. Nakolki zajaŭlenyja mety adpaviadajuć rečaisnaści, spytali ŭ ekśpiertaŭ.

Ilustracyjny zdymak. Fota: «Naša Niva»

Chto zmoža zabłakavać vaš pieravod?

Zhodna z ukazam Łukašenki «Ab mierach pa supraćdziejańni niesankcyjanavanym płaciežnym apieracyjam», jaki nabyvaje moc 1 sakavika 2024 hoda, siłaviki atrymajuć pastajanny dostup da ŭsich płaciažoŭ.

Dostup da płaciažoŭ buduć mieć adrazu ŭ niekalkich viedamstvach: KDB, MUS, prakuratury, Śledčym kamitecie i Apieratyŭna-analityčnym centry. Pa patrabavańni supracoŭnikaŭ vyšejpieraličanych struktur banki zmohuć prypyniać apieracyi na termin da 10 sutak.

Kab prypynieńnie apieracyi stała mahčymym, dastatkova, kab u siłavikoŭ byli danyja abo tolki padazreńni ab supraćpraŭnych dziejańniach.

Zhodna z aficyjnaj pazicyjaj, robicca heta vyklučna dziela taho, kab abaranić nasielnictva ad machlaroŭ.

Machlary źniknuć?

Kali daviarać viersii MUS, novaŭviadzieńni musiać pryvieści da taho, što Biełaruś stanie krainaj, ź jakoj budzie praktyčna niemahčyma vyvieści vykradzienyja hrošy. 

Pradstaŭnik «Bajpoł» Stanisłaŭ Łupanosaŭ ličyć, što hetyja novaŭviadzieńni na samoj spravie praduhledžvajuć inšyja mety.

«Raniej sistema pracavała zusim inakš, siłaviki nie mieli pramoha dostupu da padobnaha rodu infarmacyi. Raniej, kab atrymać taki dostup, śledčy abo apieratyŭnik musiŭ rabić zapyt u bankaŭskuju ŭstanovu na błakiroŭku abo zapyt źviestak. Zrabić heta možna było tolki z sankcyi prakurora», — tłumačyć Łupanosaŭ.

Ciapier ža, na dumku byłoha siłavika, sama bankaŭskaja tajamnica pa fakcie pierastanie być takoj, bo siłaviki z roznych viedamstvaŭ buduć mieć pastajanny dostup da novaj sistemy.

Ilustracyjny zdymak. Fota: «Naša Niva»

«Sistema budzie analizavać płaciež. Kali jana paličyć jaho padazronym, infarmacyju pieranakirujuć da adnaho ź siłavych viedamstvaŭ, dzie ŭ ručnym režymie niejki siłavik budzie prahladać, što adbyvajecca, analizavać tranzakcyju.

U toj ža čas siłaviki pa ŭłasnym žadańni zmohuć dasyłać bankam patrabavańni zabłakavać rachunak toj ci inšaj asoby, zabaranić rabić abo prymać hrašovyja pieravody».

Źjavicca novaja mahčymaść dla represij

Łupanosaŭ ličyć, što siłaviki zmohuć vykarystoŭvać novyja mahčymaści dla represij i ŭskładnieńnia žyćcia častcy hramadstva.

«Niahledziačy na toje, što aficyjna hetyja zachady padajucca jak nakiravanyja na baraćbu z machlarstvam, pa fakcie heta palityčnaje rašeńnie. Jany mohuć vykarystoŭvać tuju ž bazu «Biesparadki», analizavać dziejańni ludziej, kantralavać hrašovyja patoki, błakavać rachunki».

Ilustracyjny zdymak. Fota: «Naša Niva»

Praces pavinien mocna paskorycca

Ekśpiert BEROC Anastasija Łuzhina adznačaje, što novaŭviadzieńni sapraŭdy zmohuć dapamahčy ŭ baraćbie z machlarstvam, ale tym nie mienš uźnikaje šerah pytańniaŭ.

«Stvoranaja sistema ŭzajemadziejańniaŭ dazvolić bankam chutka paviedamlać u orhany ab padazronych apieracyjach. Taksama kali pastupaje zvarot u orhany niepasredna ad čałavieka, to jany praz hetuju sistemu zmohuć apieratyŭna ŭzajemadziejničać z bankam.

Kali raniej dla takoha supracoŭnictva pamiž siłavymi viedamstvami i bankaŭskimi ŭstanovami adpraŭlalisia zapyty, patrabavałasia šmat času, to zaraz hety praces pavinien mocna paskorycca», — kaža ekanamist.

«Viarnuć hrošy možna tolki da taho momantu, pakul jany nie syšli z krainy»

Tym nie mienš heta zusim nie aznačaje, što paśla zapusku aŭtamatyzavanaj sistemy apracoŭki incydentaŭ (ASAI) ašukancy całkam pazbaviacca mahčymaści padmanuć čałavieka i vyvieści hrošy na inšy rachunak.

«Važny momant, pra jaki ŭ tym liku kazali ŭ MUS, zaklučajecca ŭ tym, što viarnuć hrošy, adpraŭlenyja ašukancam, možna tolki da taho momantu, pakul jany nie syšli z krainy. Pakolki hetaja sistema nacyjanalnaja, to paśla taho, jak płaciož projdzie i hrošy vyjduć ź Biełarusi, viarnuć ich budzie značna składaniej», — tłumačyć Łuzhina.

Ilustracyjny zdymak. Fota: «Naša Niva»

Ekśpiert adznačaje, što banki i ciapier pravodziać pracu pa adsočvańni nietypovych płaciažoŭ, ale, jak pakazvaje praktyka, kolkaść złačynstvaŭ pa advodzie hrošaj z rachunkaŭ hramadzian pakul tolki raście.

Novaja aŭtamatyzavanaja sistema apracoŭki incydentaŭ tearetyčna moža palepšyć praces, kali bank nie stanie ažyćciaŭlać pieravod, pakolki sistema paličyła jaho padazronym, i zmoža ŭ režymie žyvoha času apaviaścić orhany.

«To-bok budzie zapuščana bolš udaskanalenaja aŭtamatyzavanaja sistema adsočvańnia i błakavańni padazronych pieravodaŭ. Kali ŭ časie dadatkovaj pravierki vyjavicca, što ničoha padazronaha niama, tady tranzakcyja budzie praviedziena», — tłumačyć ekśpiert.

Siłaviki atrymajuć bolš paŭnamoctvaŭ

Łuzhina źviartaje ŭvahu na toj važny fakt, što da ASAI budzie mieć dostup vialikaja kolkaść ludziej adrazu ź niekalkich siłavych viedamstvaŭ.

«Aficyjna robicca ŭpor na baraćbu z machlarstvam, ale navošta tady pryciahvać da hetaha stolki roznych viedamstvaŭ, kali hetym mahli b zajmacca ŭ niejkim adnym?» — zadajecca pytańniem Łuzhina.

Kali roznyja siłavyja viedamstvy paličać patrebnym, to zmohuć na 10 dzion zabłakavać rachunak kampanii abo fizičnaj asoby. To-bok z adnaho boku hetaja sistema dazvalaje chutčej reahavać i praduchilać pieravody źviazanyja z machlarstvam, a ź inšaha daje siłavikam bolš paŭnamoctvaŭ.

Čytajcie taksama:

Padatkovaja anansavała prablemy dla biełaruskich błohieraŭ

Popyt na valutnyja ŭkłady padaje, a prodažy nieruchomaści bjuć rekordy. U čym pryčyna?


Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
13
Панылы сорам
10
Ха-ха
4
Ого
6
Сумна
6
Абуральна
36
0
Cyla/adkazać/
01.03.2024
Ja priedpočytaju keš
1
VVP/adkazać/
01.03.2024
Supier👍
0
No taxation without representation/adkazać/
01.03.2024
Cyla, za čiornyj nał
vsie prodaš i vsio kupiš
nałohovoj naš
biznsmienskij kukiš!
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930