Ad smažańnia z cybulaj da ryzota: što pryhatavać z kurynaj piačonki i ŭ čym jaje karyść

Fota: the-italian-chef.myshopify.com

Piečań karysnaja dla ludziej, schilnych da pieratamleńnia i hastrytaŭ, chvarob straŭnikava-kišačnaha trakta i orhanaŭ dychańnia — bo ŭ joj jość mahnij i kalcyj. Žaleza, što ŭdzielničaje va ŭtvareńni kryvi, padvyšaje ŭzrovień hiemahłabinu i, adpaviedna, praduchilaje źjaŭleńnie aniemii.

Vitamin A patrebny dla abnaŭleńnia kletak skury, a V12 — u adkazie za vysokuju jakaść kryvi i stabilnuju dziejnaść niervovaj sistemy. Sielen i cynk, jakimi bahataja piečań, adyhryvajuć važnuju rolu ŭ rehulacyi funkcyj endakrynnaj sistemy i ŭdzielničajuć u vypradukavańni harmonaŭ ščytapadobnaj załozy.

Kłasika: kurynaja piečań z cybulaj

• 450 h kurynaj piečani
• 1 vialikaja žoŭtaja cybulina
• 2 stałovyja łyžki aliŭkavaha aleju
• 1 stałovaja łyžka masła
• ½ čajnaj łyžki soli
• ½ čajnaj łyžki čornaha piercu

1. Abiarycie cybulu. Razrežcie napałovu i narežcie paŭkolcami. Padzialicie ich rukami.
2. U patelniu dadajcie 1 stałovuju łyžku aliŭkavaha aleju i nahrejcie jaje na siarednim ahni. Dadajcie cybulu i pasypcie jaje sollu. Hatujcie cybulu na siarednim ahni, časta pamiešvajučy, kala 10-15 chvilin, pakul jana nie stanie załacista-karyčnievaj i nie karamielizujecca. Dastańcie cybulu z patelni i pastaŭcie ŭ ciopłaje miesca.
3. Pakul cybula hatujecca, dobra pramyjcie kurynuju piečań u chałodnaj vadzie. Pramaknicie papiarovymi ručnikami. Abrežcie tłušč, niepažadanyja šeryja ci biełyja častki. Razrežcie piečań napałovu.
4. Pasypcie piečań sollu i čornym piercam. U niehłybokuju misku ŭsypcie muku. Kožny kavałačak piečani abkačajcie ŭ muce.
5. U tuju ž patelniu dadajcie jašče adnu 1 stałovuju łyžku aliŭkavaha aleju i 1 stałovuju łyžku masła. Pamienšycie ahoń, bo kurynaja piečań moža pačać rastreskvacca, kali patelnia budzie zanadta haračaj. Adzin za adnym aściarožna vykładvajcie kavałki na patelniu. Ciapier uklučycie siaredni ahoń i hatujcie piečań z kožnaha boku prykładna pa 3-4 chviliny. Jak tolki piečań padrumianicca, nakryjcie viečkam i hatujcie jašče 4 chviliny na słabym ahni.
6. Dadajcie karamielizavanuju cybulu i ŭpryhožcie stravu drobna narezanym kropam.

Z notkaj ekśpierymientu: kurynaja piečań u čyrvonym vinie

• 2 łyžki masła
• ⅓ kubka drobna narezanaj cybuli
• ¼ kubka drobna narezanaha sieldereju
• ¼ šklanki drobna narezanaj morkvy
• 1 łyžka drobna narezanaha časnaku
• 1 kubak plus 1 stałovaja łyžka muki
• 1 šklanka suchoha čyrvonaha vina
• kubačak śviežaha abo kansiervavanaha jałavičnaha ci kurynaha bulonu
• łyžka sušanaha čabaru
• pałova łaŭrovaha lista
• 2 halinki śviežaj piatruški
• sol na smak pa žadańni
• śviežamałoty pierac pa huście
• 750-800 h śviežaj kurynaj piečani
• 2 łyžki mołataha ci naciortaha šałfieju
• ¾ šklanki raślinnaha aleju
• ½ kubka drobna narezanaj piatruški

1. Nahrejcie pałovu masła ŭ ciažkim rondali i dadajcie cybulu. Hatujcie, pamiešvajučy, pakul jany nie pačnuć źlohku mianiać koler. Dadajcie sielderej, morkvu i pałovu časnaku. Trochi absmažcie, pamiešvajučy, i pasypcie stałovaj łyžkaj muki. Pieramiašajcie.
2. Dadajcie vino, bulon, čabor, łaŭrovy list, halinki piatruški, sol i pierac i daviadzicie da kipieńnia. Dajcie nastajacca 20 chvilin. Vykładzicie ŭsio ŭ sita i pracadzicie jak maha bolš vadkaści. Vykińcie ćviordyja rečyvy. Pavinna atrymacca kala ¼ šklanki.
3. Tym časam padrychtujcie piečań — zrežcie i vykińcie złučalnyja miembrany. Razrežcie piečań napałovu, a zatym na čaćviarcinki. Adkińcie na sita, kab prybrać lišniuju vadkaść.
4. Źmiašajcie šklanku muki, sol, pierac i pałovu šałfieju. Abkačajcie kavałački piečani ŭ atrymanaj sumiesi i strasicie liški.
5. Nahrejcie kala traciny aleju ŭ ciažkaj patelni. Kali jana stanie haračaj, dadajcie tracinu piečani. Hatujcie, pieravaročvajučy kavałački, kab jany raŭnamierna padrumianilisia. Hatujcie 2-3 chviliny, pakul piečań nie stanie karyčnievym i chrumstkim zvonku. Asušycie na sicie.
6. Dadajcie jašče tracinu aleju. Kali patelnia stanie haračaj, dadajcie jašče tracinu piečani. Paŭtarycie, pry nieabchodnaści źlivajučy vadu ź piečani i hatujučy, pakul jana nie stanie karyčnievaj i chrumstkaj zvonku.
7. Nahrejcie stałovuju łyžku masła ŭ kastruli i dadajcie stałovuju łyžku šałfieju i pałovu čajnaj łyžki časnaku. Trochi patušycie i dadajcie padliŭku. Daviadzicie da kipieńnia i dajcie pakipieć kala chviliny. Dadajcie piečań i varycie, kab jana całkam nahrełasia. Dadajcie siečanuju piatrušku i padavajcie.

Najvyšejšy łeveł: ryzota z kurynaj piačonkaj

• 2,5 šklanki (500 h) rysu dla ryzota
• 1 morkva
• 1 cybulina
• 1 ściabło sieldereju
• 1 šklanka suchoha biełaha vina
• 500 h kurynaj piečani
• 6 kubkaŭ kurynaha bulonu
• 1 pačak masła (120 h)
• 2 stałovyja łyžki aliŭkavaha aleju
• ¼ šklanki (50 h) parmiezanu
• 10 listoŭ šałfieju
• sol i pierac pa smaku

Jak hatavać:

1. Razahrejcie kuryny bulon da dosyć vysokaj tempieratury, kab jaho možna było dadać da rysu. Jon pavinien źlohku kipieć. Tym časam vymyjcie i narežcie kubikami morkvu, sielderej i cybulu i zdrabnicie ich u kuchonnym kambajnie.
2. Ačyścicie kurynuju piečań i narežcie jaje łustačkami taŭščynioj ¼-½ sm.
3. Nahrejcie na patelni adnu stałovuju łyžku aliŭkavaha aleju i 1/4 šklanki (50 h) masła. Dadajcie listy šałfieju i absmažvajcie ich kala chviliny.
4. Dadajcie kavałački kurynaj piečani i krychu śviežamołataha čornaha piercu. Absmažvajcie 5-6 chvilin i čas ad času pamiešvajcie, pakul jany nie stanuć karyčnievatymi z usich bakoŭ.
5. Nalicie paŭšklanki biełaha vina. Źmiašajcie i dajcie vadkaści vyparycca. Heta zojmie kala 5 chvilin.
6. Tym časam vy možacie pačać hatavać rys u inšym rondali. Nahrejcie druhuju stałovuju łyžku aliŭkavaha aleju i jašče 1/4 šklanki (50 h) masła. Dadajcie sumieś morkvy, sieldereju i cybuli i absmažvajcie prykładna 3 chviliny ci pakul bolšaja častka vadkaści nie vyparycca.
7. Dadajcie rys dla ryzota, pieramiašajcie i absmažvajcie kala 2 chvilin, pakul krai nie stanuć napaŭprazrystymi. Vyhladaje, jak byccam vy hatujecie harbuzovaje piure ź siemiečkami, ale nie chvalujciesia: usio atrymajecca vielmi smačnym.
8. Dadajcie da rysu ½ šklanki biełaha vina, źmiašajcie i dajcie vadkaści vyparycca. Zatym dadajcie 1—1 ½ apałonika haračaha kurynaha bulonu i praciahvajcie hatavać u adpaviednaści ź instrukcyjami recepta asnovy dla ryzota. Pałoŭnik za pałoŭnikam dadavajcie kuryny bulon, źmiešvajcie i dajcie vadkaści vyparycca.
9. Kali rys budzie napałovu hatovy, dadajcie absmažanuju kurynuju piečań.
10. Praciahvajcie hatavać rys tym ža mietadam. Dadajcie 1—1 ½ apałonika haračaha bulonu, źmiašajcie i dajcie bolšaj častcy vadkaści vyparycca. Paŭtarajcie, pakul uvieś bulon nie budzie zraschodavany i rys nie budzie hatovy.
11. Na apošnim etapie dadajcie ciorty parmiezan, apošni apałonik bulonu i sol pa smaku. Sol dadavajcie tolki ŭ kancy, bo jana robić kurynuju piečań ćviordaj. Jašče raz pieramiašajcie rys i vyklučycie ahoń. Dadajcie 2 stałovyja łyžki masła, što zastalisia, i nakryjcie viečkam, dajcie pastajać 2-3 chviliny. Jak tolki heta budzie zroblena, vy možacie źniać kryšku. Pieramiašajcie jašče raz i padavajcie haračym.

Bolš receptaŭ:

Idealnaje ryzota z hrybami: recept ź niekalkimi chitrykami

Miasa, arechi, špinat: racyjon «žaleznaha» zdaroŭja

Idealny harnir — kapusta, zapiečanaja z sousam tachini

Recept na vychadnyja. Kuryca parma — kłasika, pra jakuju vy jašče nie viedali

Nashaniva.com

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH

8

0

1

2

3

7