Lehiendarnuju «Biarozku» kančatkova rusifikavali
Stylovuju biełaruskamoŭnuju šyldu staličnaha kafe zamianili na ruskamoŭnuju.
Staraja vyvieska ŭ retra-styli. Fot: Anłajnier
Siońnia na fasadzie doma pa płoščy Pieramohi zamiest vyvieski «Biarozka», vykananaj u retra-styli 1960-ch hadoŭ, krasujecca prostaja vyvieska «Bieriozka». Fota apublikavaŭ u svaim telehram-kanale fud-błohier Kakabaj.
Novaja šylda «Biarozki». Fota: telehram-kanał «Mierzkij Kokobaj»
Maładziožnaje kafe «Biarozka» na hetym miescy adkryłasia ŭ 1967 hodzie. U pamiaškańni, dzie da taho raźmiaščałasia pieršaja ŭ BSSR zakusačnaja-aŭtamat, całkam źmianili interjer: kałony stali nahadvać stvały biaroz, uzdoŭž vitrynnych voknaŭ ciahnulisia barnyja stojki. Tut pa viečarach źbirałasia moładź z usiaho horada.
U 1980-ja hady «Biarozka» praciahvała zastavacca tusovačnym maładziožnym miescam, ale nastupnyja 30 hadoŭ praktyčna nie źmianiała farmatu i nie viedała ramontu. Pamiaškańnie pačało prychodzić u nieprydatnaść, kancepcyja sastareła.
Vyvieska staroha kafe drenna ŭpisvałasia ŭ architekturu, ale taksama była vykanana pa-biełarusku. Fota: Relax.by
U 2015 hodzie paśla pravierki Minhandlu «Biarozka» spačatku prypyniła svaju pracu, a paśla začyniłasia kančatkova.
Ale kafe vykupiła kampanija Golden Project, viadomaja takimi prajektami, jak Golden Coffee, «Anhieły», Kinza i inš., jakaja dała «Biarozcy» novaje žyćcio.
Mienavita tady dla «Biarozki» byŭ raspracavany łahatyp i vyvieska, vykanynyja retra-šryftam. Ale i raniejšyja vyvieski na kafe byli biełaruskamoŭnymi, niachaj i nie vielmi stylovymi.
«Naša Niva» — bastyjon biełaruščyny
PADTRYMAĆČytajcie taksama:
Teatr ruskaha hledača. Jak źmianiŭsia repiertuar TIUHa pry Palakovaj-Makiej
U Mahilovie «rusifikavali» kryž na miescy stalinskich rasstrełaŭ
«Mienavita tut šlach vyrašyli paŭtaryć». Na Homielščynie nasadžajuć kult Kaciaryny II
