Biełaruskija navukoŭcy zamachnulisia na vakcynu ad karyjesu
U Biełarusi vučonyja i daktary pracujuć nad stvareńniem vakcyny suprać karyjesu. Pra heta raskazaŭ rektar Biełaruskaha dziaržaŭnaha miedycynskaha ŭniviersiteta, hałoŭny pazaštatny stamatołah Ministerstva achovy zdaroŭja Siarhiej Rubnikovič.
Pavodle jaho słoŭ, prajekt stvareńnia vakcyny suprać zubnoha karyjesu zapuścili ŭ studzieni 2024 hoda.
— Z našymi chimikami, z NAN my sprabujem stvaryć preparat, vakcynu, jakaja b pieraškadžała razmnažeńniu mikraarhanizmaŭ, jakija vyklikajuć karyjes zuboŭ, — skazaŭ jon.
Vakcyny ad karyjesu ŭ śviecie pakul nie isnuje. Kitajskija navukoŭcy z Uchania apublikavali letaś vyniki vyprabavańniaŭ padobnaha srodku, jakoje dušyć karyjesahiennyja bakteryi. Ale pra vyniki vyprabavańniaŭ na ludziach ci pra pramysłovuju vytvorčaść srodku pakul nie paviedamlałasia.
Pavodle danych Suśvietnaj arhanizacyi achovy zdaroŭja, na karyjes chvarejuć 93 adsotki nasielnictva Ziamli. Abaranicca ad jaho amal niemahčyma.
Čytajcie taksama:
Voś što važna dla zachavańnia zdaroŭja vašych zuboŭ
Navukoŭcy chočuć lekavać karyjes z dapamohaj stvałavych kletak
Kali lepš čyścić zuby — da śniadanku ci paśla? Voś što kaža navuka
