Kontradejtynh: novy padychod da spatkańniaŭ, jaki dapamoža pierazahruzić asabistaje žyćcio
Chodzicie na spatkańni, ale ŭsio nie možacie znajści svajho čałavieka? Mahčyma, čas pierahledzieć staŭleńnie da pošukaŭ taho samaha, a dapamoža ŭ hetym kontradejtynh.
Fota: sacyjalnyja sietki
Za składanym anhlijskim słovam chavajecca nazva trendu, jaki prapanuje padychodzić da pracesu spatkańniaŭ pa-novamu. Aŭtarstva terminu prypisvajuć sajtu pra spatkańni Plenty of Fish — jon vyznačaje kontradejtynh jak «spatkańni z kimści, chto nie adpaviadaje vašamu zvykłamu vobrazu partniora».
Kali my ŭvieś čas šukajem partnioraŭ z adnymi i tymi ž rysami źniešnaści abo charaktaru, asabistymi ci prafiesijnymi intaresami, heta moža nas zanadta abmiažoŭvać. Navat nie razumiejučy hetaha, vy možacie nie davać sabie mahčymaści pabudavać adnosiny z nasamreč fajnymi partniorami, ź jakimi ŭ vas mahło b niešta atrymacca.
Seksołah Miiša Batł tłumačyć, što naša ŭłasnaje ŭjaŭleńnie pra toje, što nam treba i čaho my žadajem, nasamreč moža nas abmiažoŭvać: «Voś čamu ja prapanuju vykinuć śpisy jakaściaŭ patencyjnaha partniora».
Ekśpierty ličać, što jość krytery, jakich varta prytrymlivacca ŭ adnosinach: naprykład, karysna mieć adnolkavaje staŭleńnie da taho, ci chočacie vy mieć dziaciej i kolki, jaki ŭ vas bałans pamiž pracaj i adpačynkam, jakoje ŭ vas staŭleńnie da relihii i ładu žyćcia. A voś da inšych charaktarystyk, nakštałt źniešnaści abo dachodu, možna stavicca bolš hnutka.
Jak ža pačać sustrakacca z partniorami nie vašaha typu? Kali vy karystajeciesia dadatkami dla spatkańniaŭ (takimi, jak tyndar), prosta pasprabujcie być bolš uvažlivymi pry vybary, padabajecca vam čałaviek ci nie. Razvažajcie, ci nasamreč vas nie cikavić toj ci inšy čałaviek — mahčyma, jość niešta ŭ im, na što b vy nasamreč mahli pahadzicca?
Inšy varyjant — naŭmysna abirać tolki tych partnioraŭ, jakija nie supadajuć z vami pa zacikaŭlenaściach ci chobi. Naprykład, kali vy lubicie padarožžy i abjechali paŭśvietu, pasprabujcie sustrecca z damasiedam, dla jakoha važnaja jaho ŭłasnaja kampanija. Ale važna nie ŭpuskać i ludziej, jakija supadajuć z vami pa asnoŭnych rysach charaktaru. Prahrama dla spatkańniaŭ Bumble pradstaviła vyniki apytańnia, zhodna ź jakim 25% adzinočak ličać: adnolkavy pohlad na biahučyja padziei pavialičvaje pryciahalnaść patencyjnaha partniora.
Kontradejtynh dobra pracuje, kali vy adkrytyja da novych chobi abo padziej, bo ŭdzieł u ich pavialičvaje vašy šansy sustreć novych ludziej. Ale nie leźcie ŭ krajnaści — paviarchoŭnaje žadańnie imknucca da novaha i cikavaha taksama moža pieraškodzić u pošukach pary. I nie zabyvajcie, što składana kahości pakachać, kali pierad hetym nie palubić siabie samoha.
«Naša Niva» — bastyjon biełaruščyny
PADTRYMAĆČytajcie taksama:
Nie tolki Tinder. Dzie ciapier šukać paru — na ŭsio žyćcio i na adnu noč
«Pajści nielha zastacca»: psichołah tłumačyć, ci varta zachoŭvać adnosiny
