U miunchienskim aeraporcie zatrymali Arnolda Švarcenehiera
76-hadovaha amierykanskaha akciora i palityka Arnolda Švarcenehiera zatrymali ŭ aeraporcie Miunchiena. Jak piša Bild sa spasyłkaj na krynicy, akcior prylacieŭ u stalicu Bavaryi ŭ sieradu, 17 studzienia, i adtul płanavaŭ adpravicca ŭ aŭstryjski Kicbiuel, dzie prachodzić Suśvietny klimatyčny samit.
Švarcenehiera zatrymali padčas mytnaha nadhladu, bo ŭ jaho znajšli raskošny hadzińnik šviejcarskaj firmy Audemars Piguet. Akcior śćviardžaje, što mieŭ namier pradać ich z aŭkcyjonu.
«My pravodzim rasśledavańnie suprać Arnolda Švarcenehiera na pradmiet uchileńnia ad vypłaty padatkaŭ. Jamu treba było zarehistravać hadzińnik, tamu što heta impart», — zajaviŭ Bild pradstaŭnik miunchienskaj mytni.
Akcior užo niekalki hadzin znachodzicca ŭ adździaleńni palicyi ŭ aeraporcie.
Čytajcie taksama:
Śpievaka Chulia Ihlesijasa zatrymali ŭ aeraporcie z čamadanam ježy
Znakamituju amierykanskuju aktrysu mocna krytykujuć za słovy pra zumieraŭ
Žoncy litoŭskaha akciora, jakuju vymusili vyjechać u Biełaruś, vydali dazvoł na žycharstva ŭ Litvie
