Zavod «Łuč» vypuściŭ sieryju hadzińnikaŭ, pryśviečanuju Michału Kleafasu Ahinskamu
Novy hod Minski hadzińnikavy zavod «Łuč» pačaŭ z novaj limitavanaj sieryi. Krynicaj natchnieńnia dla dyzajnieraŭ staŭ kampazitar, aŭtar znakamitaha pałaneza «Raźvitańnie z Radzimaj» Michał Kleafas Ahinski. Usiaho takich hadzińnikaŭ vypuścili 200 štuk, piša Onliner.
Unikalny numar kožnaha ekzemplara vyhraviravany na zadniaj pavierchni, ale samaje cikavaje i kaštoŭnaje — u inšych detalach. Na ramieńčyku vycisnuty frahmient «Raźvitańnia z Radzimaj», a cyfierbłat vykanany na asnovie kišennych hadzińnikaŭ XVII stahodździa z elemientami familnaha hierbu Ahinskich.
Na pavierchni hadzińnika — z advarotnaha boku — možna ŭbačyć partret samoha kampazitara.
Jak paviedamili «Anłajnieru», u prodaž hetaja kalekcyja pavinna pastupić 9 studzienia. Kupić hadzińniki možna i ŭ internecie, i ŭ firmovych kramach sietki «Łuč». Košt — 419 rubloŭ.
Čytajcie taksama:
Na aŭkcyjon vystavili hadzińnik «Łuč» z vyjavaj Biełaha doma i pryśviačeńniem Biłu Klintanu
U Minsku adkryŭsia novy muziej — ź dźviuma sotniami madelaŭ hadzińnikaŭ FOTY
